АҞӘА, лаҵара 2 - Sputnik, Бадраҟ Аҩӡба. Абжьаратә школ N2 амцакра ырцәоуп ҳәа аҭыԥ аҟынтәи иааицҳауеит Sputnik акорреспондент Аԥсны АҶА аминистр Лев Кәыҵниа иажәақәа шьаҭас иҟаҵаны.
"Аԥсны АҶА аҷаԥшьаратә хәҭахьы аҭел иасны адырра ҟаҵан аԥшьаша, ашьыжь асааҭ 6:40 рзы. Иаразнак аҭыԥ ахь инеиит амцарцәаратә машьынақәа. Ҳара аҭел ҳасит араионтә хәҭақәа рахьгьы ацхыраара ҳарҭарц. Лассы атехника ҳзааит", - ҳәа еиҭеиҳәоит Кәыҵниа.
Аҭыԥ аҿы аус руеит шәҩык инарзынаԥшуа амцарцәаҩцәеи жәаба инареиҳаны атехникеи.
