Микрофон  - Sputnik Аҧсны
Арадио

Коӷониа амҩаҿы игылоу акәалаԥ-еиқәаҵәақәа рзы: ула иабар аҭахым

Зарина Когония
Анапаҵаҩра
Ажурналист Зарина Коӷониа адырраҭара "Коӷониаԥҳа лымҩаду" аҟны лгәаанагара лҳәеит амҩатә машәырқәа рҿы иҭахо ауааԥсыра ргәаларшәара иазку акәалаԥ-еиқәаҵәақәа Аԥсны ахаҿра ишаныԥшуа.
Коӷониаԥҳа лымҩаду: Коӷониа аԥсыҭбара иадҳәалоу амҩаҿы игылоу аихатә кәалаԥ азы

"Акыр шықәса сзызхәыцуа зҵаароуп, избанзар иаҳа-иаҳа иацлоит амҩадуқәа рҿы игылоу аџьарқәа, аихатә кәалаԥқәа рхыԥхьаӡара. Абри угәы ҭнашьаауеит, улақәагьы ирбар рҭахым. Аӡәгьы игәы нсырхар сҭахым, избанзар агәхьаа закәу здыруеит. Ҳаргьы амҩатә машәыр аҟны иҳаԥхаз дыҟоуп, аха дахьҭахаз аҭыԥ аҟны акгьы ҳмыргылаӡеит, избанзар ауаа нхоит, иныҟәоит уа, иԥшӡам ҳәа ҳаԥхьаӡеит. Ҳара ҳҵас ала ауаҩы дахьҭахаз аҟынтәи иԥсы ааганы, ишахәҭоу еиԥш зегьы мҩаԥаагеит. Аԥсы ыҟоуп ҳәа ихаҳамҵои, уи аҭыԥ аиуӡом, анышә дахьамадоу акәу, мамзар акәалаԥ ргыланы акы ахьхырҭәало акәу, иахьцара азымдыруа ирыцҳахоит", - лҳәеит Коӷониа.

Лара иазгәалҭеит ас еиԥш ҳажәлар иртәышьҭрам аҵас аныҟәгара ахәҭаны ишылымбо, иара убасгьы ажәлар зегьы еицырзеиԥшу амҩаду аҟны досу ихы иҭашәо аҟаҵара шиашам.

Шәазыӡырҩы аудио. Иаҳа инеиҵыху аицәажәара шәаҳар шәылшоит арадио Sputnik Аԥсны аҟны.

Ажәабжьқәа зегьы
0