Аԥсуа гимнасткацәа амедалқәа фба ранашьахеит

© Foto / Наталья ХлыбоваАԥсуа гимнасткацәа
Аԥсуа гимнасткацәа - Sputnik Аҧсны
Анапаҵаҩра
НовостиTelegram
Аспорттә гимнастиказы иаарту аиндаҭлара, СССР аспорт азҟаза Нина Попова лгәалашәара иазкыз, мҩаԥган Томбовтәи аобласт, Котовск ақалақь аҿы, лаҵара 17 рзы.

АҞӘА, лаҵара 22– Sputnik, Бадраҟ Аҩӡба. Аԥсуа гимнасткацәа ахьтәы медалқәа фба ранашьахеит Томбовтәи аобласт, Котовск ақалақь аҿы, лаҵара 17 рзы имҩаԥысуаз СССР аспорт азҟаза Нина Попова лгәалашәара иазкыз аспорттә гимнастиказы иаарту аиндаҭлараҿы, лҳәоит аспортсменкацәа разыҟаҵаҩ Наталиа Хлыбова.

Лара илҳәеит атурнир ишалахәыз Аҟәа ақалақь ахәыҷтәы спорттә школ № 1 ааӡамҭацәа фҩык.

"Ҳаспортсменцәа рықәгылара акыр ишьахәын. Ари ҳара ҳзы ираԥхьатәиу атәыла анҭыҵтәи қәгыларан. Асеиԥштәи алҵшәақәагьы ҳрықәгәыӷуамызт", - лҳәеит азыҟаҵаҩ.

Аиндаҭларақәа ҩ-гәыԥкны еиҿкаан.

"Ҳаӡӷабцәа зегьы амедалқәа рыманы ихынҳәит. Актәи, аҩбатәи, ахԥатәи аҭыԥқәа ныркылеит", - азгәалҭеит Наталиа Хлыбова.

Аҩбатәи ақәыԥшцәа рразриад аҿы актәи аҭыԥ нылкылеит: Софиа Исламова (ашкол №3), аҩбатәи аҭыԥ - Валериа Наҟоԥиа (ашкол №2), ахԥатәи - Александра Адлеиаԥҳа (ашкол 15). Актәи ақәыԥшцәа рразриад аҿы актәи аҭыԥ нылкылеит: Валериа Кәарҷелиа (ашкол №4), аҩбатәи аҭыԥ - Евелина Страт (ашкол №15), ахԥатәи – Софиа Ҵәыџьԥҳа (ашкол №10).

"Нина Попова – сара сзыҟаҵаҩ лакәын. Убри азы сара сзы акраҵанакуан сааӡамҭацәа сыманы атурнир алахәхара", - лҳәеит Хлыбова.

Аиндаҭларақәа ирылахәын 45-ҩык аӡӷабцәеи 36-ҩык аҷкәынцәеи.

Ажәабжьқәа зегьы
0