Аԥсны иеизгоу акоманда еиҭакуп ахьчаҩ иоуз ааха иахҟьаны

CC0 / / Футбольный мяч
Футбольный мяч - Sputnik Аҧсны
Анапаҵаҩра
НовостиTelegram
Ашьапылампыл азы Аԥсны иеизгоу акоманда ахьчаҩ Роман Зикрач Степанакерт аҽазыҟаҵара анымҩаԥигоз ааха иоуит, ConIFA иаҵанакуа Европа ачемпионат аҟны актәи ахәмарра аламҭалаз.

АҞӘА, рашәара 2 – Sputnik, Бадри Есиава. Аԥсны иеизгоу акоманда еиҭакуп ахьчаҩ иоуз ааха иахҟьаны, абри атәы аанацҳауеит Аԥсны Ашьапылампыл афедерациа апресс-маҵзура.

Атурнир аҟны актәи ахәмаррахь ицәырҵуеит - амбахьчаҩ Инал Қацәба, ахьчаҩцәа - Георги Жанаа, Лев Бабурин, Ҭемыр Агрба, Дмитри Маскаев, Шабаҭ Логәуа, Гига Бениӡе, Виктор Ԥимԥиа, Даур Ҷанба, Алан Хугаев, Георги Дгебуаӡе.

© Foto / Федерация футбола АбхазииАԥснытәи акоманда актәи ахәмарра иалахәу рсиа
Аԥсны иеизгоу акоманда еиҭакуп ахьчаҩ иоуз ааха иахҟьаны - Sputnik Аҧсны
Аԥснытәи акоманда актәи ахәмарра иалахәу рсиа

Ахьчаҩ Роман Зикрач ашьапылампыл адәахьы дцәырҵыр акәын акоманда аилазаара хадаҿы атурнир аҟны Аԥсныи Чамериеи актәи рыхәмарраҿы, уи ахәмарра Sputnik Аԥсны ишиашоу аефир ала асаит аҟны иднарбоит асааҭ 15:00 рзы.

Беслан Аџьынџьал - Sputnik Аҧсны
Аџьынџьал Аԥсны акомандаҟны изқәымгәыӷуаз аԥсахразы: ҳахәмаршьа ианыԥшуам

ConIFA аегида аҵаҟа иҟоу Европа ачемпионат мҩаԥысуеит Ашьха Ҟарабах аҳҭнықалақь Степанакерт рашәара 1 инаркны 9-нӡа.

Агәыԥ "А" иаҵанакуеит: Аԥсны, Чамериа (Албаниа), Сапми (Лапландиа), Арцах. Агәыԥ "Б": Паданиа (Италиа), Секеитәи атәылаҿацә (Румыниа), Мраҭашәаратәи Ермантәыла (Ҭырқәтәыла), Аахыҵ Уаԥстәыла.

Официалла FIFA иалахәым Ихьыԥшым ашьапылампылтә ассоциациақәа рконфедерациа шьаҭаркын рашәара 7, 2013 шықәсазы. Уи иалоуп 40 инареиҳаны акомандақәа. 2016 шықәсазы Аԥсны имҩаԥысуан, усҟан аиааира агеит Аԥсны иеизгоу акоманда.

Ажәабжьқәа зегьы
0