Таиф Аџьба ихьӡ зху апремиа агара алахәхаразы арзаҳалқәа рыдыркылоит

Анапаҵаҩра
Аиндаҭлара иалахәхар алшоит ахәыҷқәеи ақәыԥшцәеи ирызку, 2016 - 2018 шықәса рзы акьыԥхь збаз аҩымҭақәа.

АҞӘА, рашәара 11 – Sputnik, Бадраҟ Аҩӡба. Таиф Аџьба ихьӡ зху аҳәынҭқарратә премиа аиуразы аконкурс алахәхаразы арзаҳалқәа рыдыркылоит ԥхынгәы жәабанӡа, абри атәы Sputnik иазааицҳаит акомиссиа ахантәаҩы Арда Ашәба.

Аиндаҭлара иалахәхар алшоит аԥсышәала иҩу, ахәыҷқәеи ақәыԥшцәеи ирызку, 2016 - 2018 шықәса рзы акьыԥхь збаз аҩымҭақәа (апоезиа, апроза, адраматургиа).

Арда Ашәба - Sputnik Аҧсны
Арадио
Ашәба еиҭеиҳәеит Таиф Аџьба ихьӡ зху Аҳәынҭқарратә премиа анашьара аԥҟарақәа ртәы

"Аусумҭақәа анрыдыркылалак ашьҭахь акомиссиа аусумҭақәа ҭырҵаауеит, ахәшьарақәа рырҭоит, иреиӷьу алыркаауеит", - иҳәеит Ашәба.

Аусумҭақәа рыдыркылоижьҭеи ҩымз ҵуеит, аха абри аамҭала автор Валентин Коӷониа заҵәык иоуп зырҿиамҭақәа аазгахьо, иазгәеиҭеит Ашәба.

"Ахәыҷқәа ирызку арҿиамҭақәа змоу иаҳзаажәгарц аҳәара ҟаҳҵоит. Ахәыҷқәа рзы аинтерес аманы иҩу арҿиамҭақәа зегьы гәахәарыла иҳадаҳкылоит", - иҳәеит иара.

2020 шықәса рзы аԥхьахә иартәоит 50 нызқьмааҭ.

Акомиссиа ахәаԥшырц аусумҭақәа рнагара алшоит: Аҟәа, Лакоба имҩ., 21. Аинформациа хаҭәаа аиуразы аҭел шәасыр алшоит:+7 (940) 965-91-02; +7 (840) 226-75-40.

 

Ажәабжьқәа зегьы
0