Атәылауаҩи аиҳабыреи: Сабуа аӡаҿы ашәарҭадаразы
"Аԥҟарақәа еилазго макьана ахараԥса рыдҵара азин ҳамам. Уажәы уи аус адулара ҳаҿуп. Ахараԥса аршәара ҟалар, аҭагылазаашьа аҽеиҭанакып ҳәа ҳгәы иаанагоит, иацәшәо ҟалап. Знык амыругақәа аахәазар, анаҩс ԥыҭк иузхар алшоит. Аԥсеиқәырхагаҩ даныҟоу, уи иахәҭоу мыругала данеиқәыршәоу, аҭагылазаашьа акырӡа еиӷьхоит. Есышықәса имҩаԥгатәу аусурақәа ируакуп амшын аҵа арыцқьара. Зегь реиҳа еилагоу аԥҟара, аӡҳәаарбага аҟамзаара, уи аԥара рацәа агом, напылагьы иҟауҵар алшоит, аха иара уигьы иақәҿырҭуам. Ирацәаҩуп зынӡа акгьы аҟаҵара зҭахым", - ҳәа азгәеиҭеит Сабуа.
Инеиҵыху аиҿцәажәара шәазыӡырҩы арадио Sputnik Аԥсны аефир аҿы.
