АҞӘА, рашәара 26 – Sputnik, Асмаҭ Ҵәыџьԥҳа. Аԥснытәи абоксиор Харитон Агрба Қырҭтәыла аспортсмен дииааины аҩбатәи аикәшарахь днеиит аҩбатәи Европатәи ахәмаррақәа рҿы. Абри атәы Sputnik иазааицҳаит аспортсмен ихаҭарнак Елизбар Џьологәуа.
Иара иажәаәқа рыла аӡбаҩцәа Агрба ииааира еицҿакрыла иадгылеит.
"Ақырҭуа спортсмен акыр дыӷәӷәан. Аха сара тактикала даара ииашаны сизнеиит. Ҳәарада сааԥсеит аха сус насыгӡеит", - иҩуеит аспортсмен Instagram аҿы.
Харитон Агрба Урыстәыла еизго акоманда ахьӡала дықәгылоит.
Аҩбатәи европатәи ахәмаррақәа мҩаԥысуеит Минск, рашәара 21 - 30 рзы.
3800 спортсмен Европа атәылақәа 50 рҟынтәи иалахәуп.
