АҞӘА, рашәара 26 - Sputnik. Урыстәылатәи аилахәыра "Автодор" Краснодартәи атәылаҿацәи Кавказ Амшынеиқәа иаԥну аҭыԥқәеи рҿы атранспорт аҿиара аус аднаулоит ҳәа РИА Новости иазеиҭеиҳәеит аилаххәыра ахада Виачеслав Петушенко.
Иара иажәақәа рыла уажәы Џьубгантәи (Краснодартәи атәылаҿацә, Тҟәаԥс араион) Аԥсны аҳәааҟынӡа автомашьынатә мҩеи аихамҩеи рыргылара авариантқәа ирыхәаԥшуеит. Атәыла аладатәи акалҭ аҿиара амакет аус адырулоит атранспорт аусхк знапы алаку егьырҭ аилахәырақәагьы.
"Уажәтәи ҳусурақәа ирхықәку Амшынеиқәа аԥшаҳәа аԥсшьаҩҩцәа зегьы разнеира арманшәалароуп, атранспорттә хкқәа зегьы иреиқәҳәаларҭахарц ауп", - иҳәоит Петушенко.
Петушенко ишиҳәо ала апроект триллион мааҭ рҟынӡа ахәԥса тәоит. Ус шакәгьы апроект анынагӡахалак уи иақәхарџьуи иара аҟамзаара иҟанаҵо ахарџьи рыла уахәаԥшуазар иунаҭо еиҳа еиҳахоит.
