"Цқьа еилкааны иҳамаӡам (ҳҭоурых заҳҭаху-аред.), иахьа макьанагьы агәҽанызаара акыр иаҳҭахуп. Ҳакәшамыкәша ицо ахҭысқәа ус баша ицом. Ааигәа Қырҭтәыла иҟаз ахынҭаҩынҭарақәагьы ус баша иҟамлеит. Урҭ ақырҭуа мчқәа алахәуп, аха иаанагаӡом дара рхала иӡбаны иҟарҵеит ҳәа, мраҭашәаратәи амчқәа рыла ихацыркуп. Мраҭашәаратәи аҳәынҭқаррақәеи Урыстәылеи реицәгәышра аҵыхәа ԥҵәаны иҟам. Арҭқәа азгәамҭакәа ҳара ҳԥеиԥш азхәыцреи ишаҳҭаху ашьақәыргылареи уадаҩхоит. Аҭоурых азҵаара машәыршақә ицәырымҵит, уи Урыстәыла ахада игәцаракны, инҭырҳәацааны дазааҭгылеит аҭагылазаашьа ҳасаб азуны. Ҳара ҳҟны убасшәа иҟалеит, акгьы ҳзеилымкаауашәа иҳавҳажьит. Ҳакәша ицоз ахҭысқәа рацәак игәцараҳамкит. Қырҭтәылеи ҳареи ҳаимак хадаратәла аҭоурых ауп изыхҟьоз. Усҟан иҳалшеит аҭоурых ахьчара. Аҭоурых иаҳнаҭои, ҳхы иабаҳархәуеи? Адгьыл зтәыда ҳәа мацара акәӡам аҭоурых заҳҭаху, ҳазусҭқәоу, ҳзакәытә жәлару, асоциалтә ԥышәа зегьы еиқәырханы иахьа иҳамазароуп. Аха иахьа убас еиԥш ахҭысқәа цоит аҭоурых уиаҟара мчы амамызшәа. Ҳатрадициақәа, ҳқьабзқәа, ҳахәшьарақәа, ҳкультура ажәытәра иагаз ҳәа ахәыцра иалагеит аҿар. Убри ауп зегь реиҳа ишәарҭоу", - ҳәа азгәеиҭеит Дамениа.
"Аԥсны иҿыцӡоу аҭоурых аспектқәак" захьӡу аиԥылара мҩаԥысит Аҟәа Иван Папасқьыр ихьӡ зху Амилаҭтә библиотекаҿы. Уи еиҿыркааит Аԥсуаҭҵааратә институт, Лакоба ихьӡ зху аҭоурых-мемориалтә музеи, Аԥсны ахада иҿы иаԥҵоу Астратегиатә ҭҵаарақәа рцентр.
Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.
Иара убас шәаԥхьар ҟалоит:
- Арԥшӡара аҭахым: иҿыцӡоу аҭоурых иазкыз астол гьежь аҟынтәи азгәаҭақәак
-
Аслан Аҩӡба: аҭоурых здыруа ижәлар рлахьынҵа идыруеит
