АҞӘА, нанҳәа 13 – Sputnik. Ҟрымтәи ацҳа аԥхынра иалагӡаны миллионк инеиҳаны амашьына ықәсит, аҵыхәтәантәи уахыки-ҽнаки рыла акәзар – 36 000 машьына ықәсит ҳәа аанацҳауеит аинфоцентр "Крымский мост".
"Рашәарамзеи ԥхынгәымза аԥхьатәи ахымчыбжьи рыҩнуҵҟа Ҟрымтәи ацҳа иқәсит 1,057 миллион машьына. Урҭ рҟынтәи автобусқәа - 14 000, аидарамҩангагақәа - 115 000. Нанҳәа 12 азы иазгәаҭан ацҳа иқәсыз автомашьынақәа ррекордтә хыԥхьаӡара. Уи иартәеит 35 989 машьына. Уаанӡатәи арекорд – нанҳәа 11 рзы иазгәаҭан. Усҟан ацҳа иқәсит 35 307 машьына уахыки-ҽнаки рыла", – аҳәоит адырраҭара.
Уи адагьы аинфоцентр аҿы иазгәарҭеит аԥхынразы атрафик ҩынтәны еиҳахеит ааԥынтәи атрафик аасҭа.
Рашәарамзазы Ҟрымтәи ацҳа иқәсит 518 000 автомашьына, уи ҵыԥхтәи ашықәс иаҿурԥшуазар, 13 % рыла еиҳауп. Ԥхынгәымза ҳҭалеижьҭеи ацҳа иқәсхьеит 537 000 машьына ҳәа аанацҳауеит адырраҭара.
Ацҳа аусура иаалагазар - лаҵара 16, 2018 шықәса раахыс - уи иқәсхьеит ф-миллионк инеиҳаны амашьынақәа.
Ҟрымтәи ацҳа аура 19 километр артәоит. Ацҳаҿ автомобилтә мҩеиԥш аихамҩагьы аусура хацнаркраны иҟоуп.
Иара убас шәаԥхьар ҟалоит:
-
Ҟрым мраҭашәаратәи ахәҭаҿы акурорттә кластер дыргылоит
-
Амшынеиқәаҿ аҽыкәабаразы еиҳа ицқьоу аҭыԥ алкаауп
