Ԥсоу аҳәааҿы ҩаԥхьа аконтрабанда аԥырҟәҟәаауп

Анапаҵаҩра
Урыстәыла ахылаԥшратә усбарҭақәа рыбзоурала асигаретқәа рконтробанда аԥырҟәҟәаан.

АҞӘА, нанҳәа 13 - Sputnik. Шәачатәи аҳазалхыҩцәеи Краснодартәи атәылаҿацә аҿы иҟоу Урыстәыла АШәМ аусзуҩцәеи рымчқәа рыла амҽыша, нанҳәа 11 рзы аконтрабанда аԥырҟәҟәаан аҳәааҿ. Абри атәы аанацҳауеит Аладатәи аҳазалхратә усбарҭа апресс-маҵзура.

Аоперативтә информациа инақәыршәаны аидарамҩангага машьына "VOLVO FH" аанкылан. Афура амобилтә гәаҭаратә комплекс амҩаԥгарахь инашьҭын.

"Амашьына аидара ақәмызт, аха аҵәахырҭа маӡа ҟаҵаны иҟан. Иаарԥшын 3000 рҟынӡа ҭаҭын ҭоԥ", - аҳәоит адырраҭараҿы.

Иааидкыланы иаарԥшын 3449 блоки 8 пачкаки асигарет (ма 34498 пачка асигарет, 689 960цыра).

Атауар аекспертизахь инашьҭуп. Ауснагӡатәқәа мҩаԥысуеит.

Иара убас шәаԥхьар ҟалоит:

Ажәабжьқәа зегьы
0