АҞӘА, нанҳәа 15 - Sputnik. Акомпозитор, апианист, агәыԥ "Мирайф" ашьаҭаркҩы Армен Мерабов иаалырҟьаны иԥсҭазаара далҵит ҳәа нанҳәа 15 рзы адырра ҟаиҵеит апродиусер Виктор Радзилевски.
"Иҟалаз сзеилкаауам. Ааигәаӡоуп аконцерт аҟынтәи авидео санахәаԥшуаз. Ҳәашьа змам гәыхьуп. Аҟыбаҩ дуӡӡа злаз. Еиҳагьы ихадароу – ауаҩ қьиа, ауаҩ бзиа", - ҳәа иҩуеит Радзилевски Facebook аҿы.
Амузыкант иԥсра амзызқәа макьаназ еилкаам.
Армен Мерабов – Урыстәыла иналукааша амузыкантцәа дреиуан. Армени иԥҳәыс Мариам Мерабовеи 1998 шықәса рзы аџьазтә гәыԥ "Мирайф" еиҿыркааит.
Мерабоваа – Аԥсны лассы-лассы иаҭаауан. Мариами Армен Мерабов иџьазтә триои алахәын Жәларбжьаратәи аџьазтә фестиваль "СУХУМ – АҞӘА JAZZ FEST".
Иара убас шәаԥхьар ҟалоит:
-
Аҟәа жәларбжьаратәи аџьазтә фестиваль аатра иазыԥшуп
