АҞӘА, нанҳәа 30 – Sputnik. Астол-ԥқьаҭмпыл азы Аԥсны Афедерациа раԥхьатәи ахада Омар Кәарҷиа игәалашәараз атурнир мҩаԥысит Аҟәа, Сергеи Багаԥшь ихьӡ зху Аспорт ахан аҿы ҳәа аанацҳауеит Аԥсны Абаҩрҵәыреи аспорти рзы аилак апресс-маҵзура.
Аԥыжәаратә хаҭалатә-ҭыԥқәа ргеит Шәачатәи аспортсменцәа. Атурнир ахьтәы медал даиааит Едуард Апагуни, аҩбатәи аҭыԥ - Игор Плиасовица, ахԥатәи - Альберт Апагуни.
Ҩыџьа-ҩыџьалатәи аиндаҭлараҿы актәи аҭыԥ роуит: Ренат Қарчаа (Аҟәа), Иосиф Тедеев (Цхинвал), "араӡны" ргеит Игор Кудзиев (Цхинвал) Лаша Давитаиа (Аҟәа), "аџьаз" ранашьахеит: Наур Қарчаа (Аҟәа), Милор Абхазаа (Тҟәарчал), Роман Левша (Ростов), Нарҭ Ӡаԥшьба (Аҟәа).
Иара убасгьы аиндаҭлара мҩаԥыргеит аинвалидцәа-ампутантцәа. Актәи аҭыԥ игеит Џьон Ҷан-оӷлы (Гәдоуҭа), аҩбатәи - Алхас Амԥар (Пицунда), ахԥатәи - Роман Матиашов (Гәылрыԥшь).
Атурнир иалахәын 50-ҩык аспортсменцәа: Аҟәа, Тҟәарчал, Гәдоуҭа, Гәылрыԥшь, Гагра, Цхинвал, Вологда, Пермь, Ростов, Самара, Петрозаводск, Шәача, Адлер.
Иара убас шәаԥхьар ҟалоит:
-
Қарчаа: аԥкьаҭмпыл маҷ азы Аԥсны анҭыҵ имҩаԥысуаз атурнир алҵшәақәа бзиоуп
