Москва Амш аҽны ансамбль "Амцабз" ықәгылараны иҟоуп

© Фото : Лаша МарухбаАхәыҷтәы хореографиатә ансамбль "Амцабз"
Ахәыҷтәы хореографиатә ансамбль Амцабз - Sputnik Аҧсны
Анапаҵаҩра
НовостиTelegram
Москва Амш азгәарҭараны иҟоуп ВДНХ асабша, цәыббра 7 рзы.

АҞӘА, цәыббра 2 – Sputnik. Москватәи акәашаратә ансамбль "Амцабз" асабша, цәыббра 7 рзы ВДНХ аконцерттә программа иалахәхараны иҟоуп. Абри атәы ааицҳаит Аԥсны Жәларбжьаратәи акультура-усутә центр адиректор Олег Лакоба.

Аконцерт далахәхоит иара убасгьы аԥсуа шәаҳәаҩs Хьыбла Гьерзмааԥҳа.

"Ҳколлективқәа алахәхоит азеиԥшконцерттә уснагӡатә, иазыԥхьагәаҭоуп акәашаратә ансамбль "Амцабз", Лаша Марыхәба напхгара зиҭо, ақәгылара. Аконцерт далахәхоит иара убасгьы аԥсуа шәаҳәаҩы Хьыбла Гьерзмааԥҳа", - иҳәеит Лакоба.

Иара убасгьы апрограмма аԥсуа хәҭаҿы апоетесса Гәында Сақаниаԥҳа Сандро Сангәлиа иажәеинраала "Аԥсадгьыл" даԥхьараны дыҟоуп.

Аконцерт иалахәхоит Урыстәыла, Аԥсны, Ҟазахстан, Киргизиа, Молдова, Узбекистан, Белоруссиа, Азербаиџьан, Ермантәыла рҟынтәи арҿиаратә коллективқәа.

Ааԥхьара рымоуп аҳаҭыртә сасцәа: Владимир Путин, Сергеи Собианин, Нурсултан Назарбаев ҳәа аҳәоит Аԥсны Жәларбжьаратәи акультура-усутә центр Феисбук аҿтәи адаҟьаҿ.

Иара убас шәаԥхьар ҟалоит:

Ажәабжьқәа зегьы
0