АҞӘА, цәыббра 8 - Sputnik, Бадраҟ Аҩӡба. Алхрақәа ирылахәхараны иҟаз ауааԥсыра абжьыҭарахь рнеира иартәеит 38,41%. Абри атәы иҳәеит Аԥсны АКХ ахантәаҩы Ҭамаз Гогьиа.
Асиа хадаҿы иарбан 126 577-ҩык. Рыбжьы арҭеит 48 614-ҩык.
Аԥсны ахада иалхразы аҩбатәи атур мҩаԥысуеит цәыббра 8 рзы. Абжьыҭарақәа хылаԥшра рырҭоит 12-ҩык анаԥшыҩцәа Урыстәыла, Аахыҵ Уаԥстәыла, Лугански Донецки Жәлар рреспубликақәа рхаҭарнакцәа.
Ҩынтәтәи абжьыҭараан абжьқәа реиҳарак зауз акандидат аиааира игеит ҳәа дрыԥхьаӡоит.
Убри аан алхрақәа рхы рыладырхәроуп алхыҩцәа рсиақәа ирну 25% иреиҵамкәа атәылауаа. "Зегьы ирҿагылоу" аграфа абжьқәа реиҳарак аиур, алхрақәа зышьақәымгылеит ҳәа рыларҳәоит.
