"Фазиль Искандер иҟазара, иҩымҭақәа тема хадас ирыман еиуеиԥшым ажәларақәа, акультурақәа реигәныҩра. Уи ауп иара афестиваль атемасгьы изышьҭыхыз. Иҟалап, иара инарҭбааны акультуратә фестивальны ҳаԥхьаҟа иҟаларгьы. Ажәларқәа ркультура аиқәырхара, иахьа адунеи аҿы имҩаԥысуа аглобалтә процессқәа рҿы ихадароуп. Ҩ-жәларык ркультуратә хаҭарнакцәа цоит иаауеит, аҟабардақәеи ҳареи лымкаала иҳабжьоуп аимадара, аха ари афестивальгьы даҽа цҳак ҳанаҭоит, иара иқәланы ицало иаало рацәахоит. Сгәы иаанагоит, ари афестиваль Ҟабарда амҩаԥгаразы агәҭакы ыҟоуп ҳәа", - ҳәа азгәалҭеит Арсалиаԥҳа.
Цәыббрамазы 17-18 рзы Аԥсны имҩаԥысуеит аԥсуа-адыга литературатә фестиваль "Рифмы на Рице" ҳәа хьӡыс измоу.
Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.
