АҞӘА, цәыббра 17 – Sputnik, Бадри Есиава. Жәа-шықәса зхыҵуа Аԥснытәи аԥкьаҭасыҩ Алла Траиста аиааира лгеит Урыстәылатәи аԥкьаҭасратә тур "Афедерациа Ахраҿа" атурнир аҟны. Абри атәы Sputnik Аԥсны иазеиҭеиҳәеит лазыҟаҵаҩ Саид Бебиа.
![Аԥснытәи аԥкьаҭасыҩ Шәача атурнир аҿы аиааира лгеит Аԥснытәи аԥкьаҭасыҩ Шәача атурнир аҿы аиааира лгеит - Sputnik Аҧсны](https://cdnn1.img.sputnik-abkhazia.info/img/102843/37/1028433776_0:0:1032:581_600x0_80_0_0_a40f0692c8ccca43a14e0b7e8e776cb2.jpg)
Урыстәылатәи аԥкьаҭасратә тур "Афедерациа Ахраҿа" атурнир мҩаԥысуан Шәача, цәыббра 14 - 19 рзы. Иара иалахәын 40-ҩык рҟынӡа аспортсменцәа. Аԥсны ахьӡала иқәгылоз Траиста заҵәык лоуп.
"Алла хә-еиԥыларак мҩаԥылгеит. Афинал аҿы длындаҭлон шәачатәи аԥкьаҭасыҩ Алина Табакаева. Алла аԥкьаҭ дасуеижьҭеи хәышықәса ҵуеит. Ари аиндаҭлараҿы лиааира лреитинг иацнаҵоит. Уаанӡа лара 9-10 шықәса зхыҵуаз рыбжьара ажәабатәи аҭыԥ аанылкылон", - иҳәеит Бебиа.
Аԥхьахәк аҳасаб ала лара иланаршьеит аиааиҩы ихраҿа, шәачатәи ацирк ахь абилеҭ, аҳаҭыртә шәҟәы.
Иара убас шәаԥхьар ҟалоит:
- Ерика Кәарҷиаԥҳа аԥкьаҭ асразы Урыстәылатәи аиндаҭлара лҽалалырхәуеит
-
Амина Аншԥҳа аиааира лгеит TF W15 атурнир аҟны