"Ари аамҭазы 250 нызқьҩык инарзынаԥшуа ҳтәыла асасцәа Аԥсны аԥсшьарҭатә ҭыԥқәеи ахатә нхарҭатә ҭыԥқәеи рҿы рыԥсы ршьеит ҳәа адырра ҳамоуп. Ас еиԥш арбагақәа рышьақәыргыларазы ҳара есымза аԥсшьарҭатә ҩнқәа рҟынтә аҳасабырба ҳзаауеит. Убра иарбоуп ахыԥхьаӡарақәа зегьы. Уи адагьы араион аҳазалхратә усбарҭақәа рҟынтә аинформациа ҳауеит ахатә анхарҭатә ҭыԥқәа рҿы заҟаҩы рыԥсы ршьаз. Абасала еидаҳкылоит астатистика", - ҳәа азгәеиҭеит Мықәба.
Аԥсны Акурортқәеи атуризми рминистрра акурорттә усхк анализи азԥхьагәаҭареи рыҟәша аиҳабы иажәақәа рыла, ҳтәылаҿы макьана аԥсшьараамҭа ахыркәшарахь имнеицт.
"Аԥсшьара асезон ахыркәшарахь инеит ҳәа ҳазҳәом, макьана иаауа ауааԥсыра маҷӡам. Амашьынақәа рхыԥхьаӡара маҷхазаргьы, уеизгьы аҳәаа иахыҵуа ыҟоуп. Жьҭаарамза азбжанӡа ауааԥсыра рыԥсы ршьаратәы аҭагылазаашьа ыҟоуп", - ҳәа иҳәеит Мықәба.
Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.
