АҞӘА, цәыббра 27– Sputnik, Бадраҟ Аҩӡба. акоманда Ferrari асахьаҭыхыҩ Антонио Фиусо апостер аҟны Шәача ақалақь ахьӡ агха аҭаны иҭихит аԥсуа бызшәала, "Википедиа" дақәгәыӷны. Абри атәы Фиусо ихаҭа Sputnik Аԥсны иазеиҭеиҳәеит.
""Википедиа" аҟны Шәача ақалақь ахьӡ урыс бызшәалеи уаанӡа ара инхоз ажәларқәа ари аҭыԥ ахьӡ зларҳәоз адиалекти рыла ианын. Сара аиҭагақәа рыҩбагьы схы иасырхәарц сыӡбеит", - ҳәа Sputnik Аԥсны иазеиҭеиҳәеит Антонио Фиусо.
Аԥсны аӡбахә ҳәа акрудыруама ҳәа иҭаз азҵаара аҭакс иҳәеит иаҳахьоу шмаҷу, иидыруа иара "Википедиа" адыррақәа шракәу.
Ferrari апостер аҿы иҭыхуп Себастиан Феттел иболид, аҩырагьы ануп "Шәача" ҳәа урыс бызшәалеи, англыз бызшәалеи, аԥсуа бызшәалеи.
Аԥсуа бызшәала ахьӡ агха аҭаны иҩуп: Шәэча ҳәа ииашоу– Шәача ацынхәрас.
My Illustration for @ScuderiaFerrari, Russian F1 Gp, Sochi! #Ferrari pic.twitter.com/0iJCK6CveO
— antonio fuso (@antonio_fuso) 25 сентября 2019 г.
Агха шыҟазгьы апостер акыр иалацәажәан асоциалтә ҳақәа рҿы, ахҳәаақәагьы аҭан.
"Формула-1" еиҳа ахәаԥшцәа зҭаауа автоспорттә хкуп. "Формула-1" мҩаԥысраны иҟоуп Шәача аолимпиатә парк аҿы цәыббра 27-29 рзы.
Иара убас шәаԥхьар ҟалоит:
- "Формула-1" анымҩаԥысуа аамҭазы Шәачатәи амҩадуқәа адыркуеит
