Ҳазлацәажәаша ҳамоуп: Ақаҩба ақәыргыламҭа ҿыц "Ажәҩан аҿықә" иазкны
"Иахьа атеатр аиҳабыра иахьынӡалшо ирҭахуп Аԥсуа театр арепертуар аиҿкаара, сахьаркылара аизырҳара. Урҭ роуп исабжьазгаз аспектакль аиҭашьақәыргылара. Ҳара ҳаԥсҭазаараҿы рацәак хырҩа аҳҭом аамҭа азҵаара. Ажәабжь аҿы аамҭа зынӡа имаҷны ишҳамоу аҟара агәра ҳгаӡом. Тонино Гуера сахьаркырала идиалогқәа уамашәа еиҿартәоуп, ари шьапыла иныҟәо прозоуп. Ҵакык анааурԥшлак ашьҭахь даҽакы цәырҵуеит, убри аҟынтә ԥсра зқәым аклассикатә пиесақәа ирываҟәыло иҟоуп. Ҳәарада, жәохә шықәса рышьҭахь ари аҩымҭа даҽакала сара схазгьы иаасыртит, иҿыцу актиортә еилазаара дара рдунеихәаԥшышьагьы анацла, аусумҭа инеизакны иханарҭәааит", - ҳәа азгәеиҭеит Ақаҩба.
Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.
