Баџьа Хәытаба далацәажәеит Аолимпиадахь ицаразы аҽазыҟаҵарақәа шымҩаԥиго

© Sputnik / Илона ХварцкияХутаба Бадж
Хутаба Бадж - Sputnik Аҧсны
Анапаҵаҩра
Аԥсуа спортсмен Баџьа Хәытаба Шьамтәыла ахьӡала 2020 шықәса рзы Иапониа имҩаԥысраны иҟоу аԥхынтәи Аолимпиатә хәмаррақәа дрылахәхараны дыҟоуп. Уаанӡа, Шьамтәыла ахьӡала Хәытаба адунеи Ачемпионат аҿы 2019 шықәса рзы Нур-Султан ақалақь аҿы дықәгылахьан.

Баџьа Хәытаба радио Sputnik Аԥсны дсасны данаҭаз далацәажәеит Баџьа Хәытаба далацәажәеит Аолимпиадахь ицаразы аҽазыҟаҵарақәа шымҩаԥиго атәы.

Sputnik

Баџьа Хәытаба аҩбатәи аԥсыуа спортсменуп зых иақәиҭу ақәԥарала Аолимпиатә хәмаррақәа ирылахәхо. Актәи - Денис Царгәыш (Урыстәыла еидҵо акоманда ахьӡала дықәгылон– аред.). 2012 шықәса рзы Лондон имҩаԥысуаз Аолимпиатә хәмаррақәа рҟны ахԥатәи аҭыԥ никылеит.

Баджа Хутаба - Sputnik Аҧсны
Аԥснытәи аспортсмен Баџьа Хәытаба Аолимпиатә хәмаррақәа дрылахәхоит

22-шықәса зхыҵуа ҳаспортсмен иазгәеиҭеит Токио ахьтәы медал агара шигәиҭо.

"Токио имҩаԥысраны иҟоу Аолимпиатә хәмаррақәа сыҽрыласырхәыртә азин ансоу раԥхьа исыдызныҳәалаз сан лоуп. Лара исалҳәеит ҳҭаацәара зегьы ажәабжь бзиа агәахәара ду шырнаҭаз. Убри аамҭазы сара еилыскааит хымԥада Аолимпиадаҿ ахьтәы медал аиура сылсыршар шакәу", - иҳәеит аспортсмен.

Баџьа иаб – Рашь Хәытаба, зых иақәиҭу ақәԥаразы Европеи СССРи рчемпион, иԥа Ҟазахстанынтәи Аолимпиадахь апутиовка иманы данааи "ақәҿиарақәа рзы иааиԥмырҟьаӡакәа аусура аҭахуп" ҳәа иабжьигеит.

"Саб еснагь исабжьигоит сеихьӡарақәа ирыцысҵаларц. Сашьеи иареи сықәгыларақәа ирыхәаԥшуеит. Ҳәарада агәахәара ирҭоит сиааирақәа, аха инирԥшуам", - иҳәоит аспортсмен.

Шьамтәыла ахьӡала Баџьа Хәытаба адунеи Ачемпионат аҿы 2019 шықәса рзы Нур-Султан ақалақь аҿы раԥхьаӡа акәны дықәгылеит. Иара иажәақәа рыла аколлектив ҿыц аҽалархәра мариамызт.

"Абызшәа азымдырра ауадаҩрақәа ацын, аха англызи араби абызшәақәа рҟынтәи издыруаз амаҷ схы иасырхәон", - еиҭеиҳәоит иара.

Баџьа Хәытаба адунеи Ачемпионат аҿы 2019 шықәса рзы Нур-Султан ақалақь ахь данцоз хымԥада ахьтәы медал дақәгәыӷуа ауп дышцаз. Аолимпиатә хәмаррақәа раан еиҳа ицындаҭло рҟынтәи ишәарҭаны иишьо иреиуоуп Таха Акгюиули Гено Петрашвилии роуп.

"Ақырҭуа спортсмен Гено Петрашвили акыр дшәарҭоуп. Узыцәшәаша дреиуоуп ҭырқәтәылатәи ақәԥаҩ Таха Акгиуль. Урҭ рықәгыларақәа ирыхәаԥштәуп, иҭҵаатәуп" ҳәа иҳәеит Баџьа.

Аолимпиаданӡа имаҷымкәа атурнирқәа мҩаԥысраны иҟоуп. Урҭ рҟны алҵшәа бзиақәа аарԥштәуп ҳәа азиԥхьаӡоит аспортсмен.

Иара убас шәаԥхьар ҟалоит:

Ажәабжьқәа зегьы
0