АҞӘА, жьҭаара 7 — Sputnik. Зеландиа ҿыц ақалақь Отаго ауниверситет аҵарауаа иазгәарҭеит адунеиаҿ аԥсҭазаара ашәарҭара ианҭагыло, ахеиқәырхара ахьалшо ҭыԥқәак. Азхьаԥшра арҭеит аепидемиақәа, амашәыртә рыцҳарақәа, абиологиатә терроризм, антибиотикқәа ирцәымшәо абактериақәа рцәырҵра.
"Абиотехнологиа аусхк аҟны аартра ҿыцқәа ауаҩытәыҩса хкык иаҳасаб ала иқәӡаарахь икылнагар алшоит", - ҳәа аҵарауаҩ Ник Уилсон иажәақәа аанагоит Science Alert. Абри аан аепидемиа адунеи зегьы амҽханакыр ауеит.
Аҳауатә ҭагылазаашьа ҭҵааны аԥсабаратәи аенергиатәии ресурсқәа ирызхьаԥшны аҵарауаа асиа ианырҵеит 20 тәыла, мҽхакыҭбаала аепидемиа аҽацәыхьчара ахьалшо. Зегь раасҭа ишәарҭам ҳәа рыхьӡ ҳәоуп Австралиа, Зеландиа ҿыц, Исландиа.
"Адгьылбжьахатә тәылақәа ашәарҭараан аҽыҵәахырҭақәа ирымоу ацивилизациа ҿыц аиҭеира алдыршар ҟалоит", - рҳәоит аҵарауаа.
Аҵарауаа иара убасгьы рыхьӡ рҳәеит Иапониа, Куба, Фиджи, Иамаика, Барбадоса.
Иара убас шәаԥхьар ҟалоит:
-
Еиду амилаҭқәа реиҿкаара: ҩ-миллиардҩык рҟынӡа ирызхаша аӡыржәтә иалхәдоуп
