Игор Адлеиба еиндаҭло аспортсмен дыԥсаххеит

© Foto / Screenshot: MMA & BoxingИгорь Адлейба vs Алексей Тухтаров
Игорь Адлейба vs Алексей Тухтаров - Sputnik Аҧсны
Анапаҵаҩра
Апрофессионалтә бокс азы ахәылԥаз мҩаԥысраны иҟоуп Екатеринбург абҵара 2 2019 шықәса рзы. Ахәылԥаз далахәхоит Аԥснытәи аспортсмен Игор Адлеибагьы.

АҞӘА, жьҭаара 21 – Sputnik, Бадраҟ Аҩӡба. Аԥсуа боксиор Игор Адлеиба абҵара 2 рзы Екатеринбург, атурнир RCC Boxing Promotions аҟны дықәгылоит аҿар рыбжьара адунеи ачемпион ҳәа ахьӡ агаразы.

Атитул агаразы ираԥхьатәиқәо иреиуоуп Игор Адлеибеи Венесуела аспортсмен Едди Кольменареси.

Игор Адлеиба - Sputnik Аҧсны
Игор Адлеиба адунеи ачемпион ихьӡ азы дықәԥараны дыҟоуп

Аханатә Игор Адлеиба диндаҭлараны дыҟан Намибиатәи аспортсмен Гарри Саимон-аиҵбы, аха уи аҽазыҟаҵарақәа раан ааха иоуит, аринг ахь дызнеиуам.

"Екатеринбург аҽазыҟаҵарақәа мҩаԥызгоит. Аа-раундк сықәгылар ауп. Сзындаҭло даара иӷәӷәо спортсменуп. Аԥсшьараҵәҟьа ҳамам, аус ааулароуп аиааиразы", - иҳәоит Игор Адлеиба.

Едди Кольменарес ԥыжәараны имоуп иоура– 183 сантиметра дыҟоуп, Игор иакәзар 175 сантиметра дыҟоуп. Ус шакәугьы Игор Адлеиба аиааироуп игәиҭоу.

"Ари ақәгыларагьы егьырҭ акала иреиԥшым ҳәа исыԥхьаӡоит. Иаргьы сара сеиԥш дуаҩуп, дықәԥаҩуп. Еиҳа иӷәӷәоу аиааира иоуеит. Сара сус здыруеит. Аиааиразы агәаҳәара ду сымоуп", - иҳәоит Игор Адлеиба.

Ақәгылара ишиашо ицо аефир ала иддырбоит ателеканалқәа "Абаза-ТВ", "Матч!Боец".

Екатеринбург ахәылԥаз абокс еиҿнакаауеит – апромоутертә еилахәыра "РМК Боксинг Промоушен". Аиԥылара иалахәхоит Урыстәыла, Аԥсны, Ҟазахстан, Куба, Венесуела, Африка рыспортсменцәа.

Ажәабжьқәа зегьы
0