АҞӘА, жьҭаара 22– Sputnik. Аныҳәа "Амшен" мҩаԥысраны иҟоуп Иашҭхәа ақыҭан абҵара 1 азы. Аныҳәа аиҿкааҩцәа ражәақәа рыла х-нызқьҩык рҟынӡа аҭааҩцәа ирзыԥшуп. Абри атәы радио Sputnik Аԥсны аҟны далацәажәеит аиҿкааҩцәа ируаӡәку Хачик Миносиан.
Иара иажәақәа рыла сынтәа аиҿкааҩцәа ирыӡбеит аныҳәа Аҟәа араион ахь ииаргарц. Иашҭхәа ақыҭаҿы иманшәалоуп еиҳа инарҭбааны ацәыргақәҵатә материал аӡыргара, атәарҭақәа рыҟаҵара, атранспорт аргылара.
Амшентәи аерманцәа ркультуреи рыбзазареи ӡырыргоит Аҟәа ақалақь, Аҟәеи, Гәылрыԥшьи, Гагреи араионқәа руаԥшь еиҿкаарақәа. Ахәыҷқәа рзы аиҿкааҩцәа аҳамҭақәа аздырхиеит, еиҿыркааит еиуеиԥшым ахәмаррақәа.
Миносиан иажәақәа рыла аныҳәа иахықәкы хаданы иҟоу амшентәи аерманцәа рҵас, рқьабз аиҭарҿиароуп.
"Ауаа ирбар рылшоит рабацәа рабдуцәа рнапы злакыз. Иӡыргахоит ачысмаҭәа, адгьылқәаарыхратә мыругақәа. Урыстәылантәи иаауеит амшентәи акәашарақәа рхареографиатә ансамбль, ашәаҳәаҩцәа. Инагӡахоит аԥсуа кәашарақәа, ашәаәқа" ҳәа еиҭеиҳәоит иара.
Аҽаҩра аныҳәа "Амшен" ԥшьынтәуп Аԥсны имҩаԥысуеижьҭеи. Ииасыз ашықәс азы имҩаԥган Гагра араион Маҳадыр ақыҭан.
