АҞӘА, абҵара 4 – Sputnik. Украина ахада Владимир Зеленски аракетатә ари артиллериеи рыруаа дрыдныҳәало иазгәеиҭеит "ахи-ахәшәи еснагь еибаго иҟазар ауп" ҳәа. Абри атәы аанацҳауеит РИА Новости.
"Иахьа, амчрақәа реидыгара ҳанаҿу аамҭазгьы еснагь шәыхианы шәыҟазароуп", - иҳәеит Зеленски, ар дрыдныҳәало.
Жьҭаара 1, 2019 шықәса рзы Минск, аинырратә гәыԥ аиԥылараан Лугансктәи Донецктәи жәлар рреспубликақәа рҿы ақыҭақәа Золотои Петровскии рҟны ар реидыгара иалагазарц иалацәажәан. Ауснагӡатә хацыркхараны иазыԥхьагәаҭан жьҭаара 7 рзы. 30 уахи-ҽни рыҩнуҵҟа ихыркәшахар акәын, аха Киев хынтә абри аус еиԥнаҟьеит.
Донбасс ареспубликақәа жьҭаара 9, 10, 11 рзы рҽазыршәеит абри аус амҩаԥгара, аха Киев аҽазныкгьы абжьы ақәнамыргеит. Золотое иахьаҵанакуа амчрақәа реидыгара иалагеит жьҭаара 29 рзы, Петровское иахьаҵанакуа абҵара 4 рзы ихацыркхоит ауснагӡатә.
Украина амчрақәа 2014 шықәса рзы иалагеит арратә операциа Лугански Донецки ареспубликақәа рганахьала. Арҭ ареспубликақәа ахьыԥшымра рыларҳәеит 2014 шықәса жәабранмзазы. ЕАР адыррақәа рыла абри аамҭа иалагӡаны иҭахахьеит 13 нызқьҩык.
Иара убас шәаԥхьар ҟалоит:
-
Пушилин: Киев аамҭа инахоит - арадикалцәа ргәы ҟарҵошәа ддырбоит
-
Зеленски шықәсык аҩнуҵҟа Донбасстәи аҭагылазаашьа аҭышәныртәалара дақәгәыӷуеит
