АҞӘА, абҵара 13 – Sputnik, Бадраҟ Аҩӡба. Ахәыҷтәы шьапылампылтә клуб "Динамо" ахәмарыҩцәа, 2007 шықәса рзы ииз, араӡны медал агара рылдыршеит ахәыҷтәы шьапылампылтә турнир "Кубок будущих легенд" аҟны.
"Аиҿкааҩцәа ҳнарыԥхьеит. Атурнир мҩаԥысуеижьҭеи хынтәуп. Ҳара агәыԥ В ҳаҵанакуан. Ҳара ҳадагьы агәыԥ иалахәын акомандақәа "Воробьевы горы", СКА-2, "Академия футбола имени Понедельника", - ҳәа еиҭеиҳәоит акоманда азыҟаҵаҩ Максим Никитски.
"Динамо" иара агәыԥ аҩнуҵҟа актәи аҭыԥ ааннакылеит. Агәыԥ А аҿы актәи аҭыԥ ааннакылеит Новочеркассктәи аспортклуб акоманда. Аҵыхәтәаны иагьеиндаҭлеит.
Афинал аҿы аԥсуа команда аҵахеит 2:0 ҳәа.
"Актәи аҭыԥ шаҳмоузгьы, зегь ргәалаҟазаара бзиоуп. Афинал аҿы уанаҵахо еснагь угәы ухьуеит, аха уигьы ԥышәароуп. Ҳаԥхьаҟа ҳҽазаҳшәап актәи аҭыԥ аанкыларагьы", - иҳәеит Никитски.
Атурнир аҿы иреиӷьу ҳжәылаҩ ҳәа далкаан "Динамо" ахәмарыҩ Сандро Ҳараниа.
Иара убас шәаԥхьар ҟалоит:
-
Ахәыҷтәы "Нарҭ" Дагомыс атурнир аҿы аиааира агеит
