Аҭоурых ахамшҭразы: Сариа Лакоба лгәалашәара иазкыз ахәылԥаз мҩаԥган РУСДРАМ аҿы

© Sputnik / Томас ТхайцукАҭоурых ахамшҭразы: Сариа Лакоба лгәалашәара иазкыз ахәылԥаз мҩаԥган РУСДРАМ аҿы
Аҭоурых ахамшҭразы: Сариа Лакоба лгәалашәара иазкыз ахәылԥаз мҩаԥган РУСДРАМ аҿы - Sputnik Аҧсны
Сариа Лакоба лгәалашәара иазкыз ахәылԥаз мҩаԥган РУСДРАМ аҿы, афотоцәыргақәҵагьы ацны. Ацәыргақәҵаҿы афотосахьақәа рыдагьы, иӡырган архивтә документқәа.

Аԥсны раԥхьатәи ахада Владислав Арӡынба, Фазиль Искандер, Станислав Лакоба – аекран аҟынтәи арҭ зегьы злацәажәоз Сариа Лакоба лакәын.

Сариа Кәарцхьиаԥҳа, Sputnik

Сариа Лакоба лгәалашәара иазырхаз алитература-документалтә хәылԥазы РУСДРАМ аҿы ихацыркын Сариа Лакоба, Нестор Лакоба ирзааигәаз ргәакьацәа, рҭахцәа рыԥсҭазаара, усҟантәи Аҟәа аҭагылазаашьа аиҭашьақәыргылара алзыршо архивтә видеоқәа дырбарала.

Сариеи Нестори Лакобаа рыҩны. Архивтә фото. - Sputnik Аҧсны
Сариеи Нестори рыҩны

Асцена иқәыҩуан Адиле Аббас-оӷлы лмемуарқәа "Не могу забыть", Семион Липкин ипоема, Мариетта Шагинианн ланҵамҭақәа уҳәа рҟынтәи ацыԥҵәахақәа. Ахәаԥшыҩцәа азыӡырыҩуан Сариа Лакоба абахҭаҿ илыцҭакыз ргәалашәарақәа.

Атеатртә ҟазшьа зҭаз асценари азирхиеит аҭоурыхҭҵааҩ Станислав Лакоба, асценаҿ аматериал аԥсы ахарҵеит РУСДРАМ актиор, арежиссиор Џьамбул Жорданиа, Сариа лроль назыгӡоз Милана Ломиаԥҳа, Нестор ироль назыгӡоз – Инал Инаԥҳа.

© Sputnik / Томас ТхайцукНестори Сариеи ррольқәа нарыгӡон Инал Инаԥҳаи Милана Ломиаԥҳаи
Аҭоурых ахамшҭразы: Сариа Лакоба лгәалашәара иазкыз ахәылԥаз мҩаԥган РУСДРАМ аҿы - Sputnik Аҧсны
Нестори Сариеи ррольқәа нарыгӡон Инал Инаԥҳаи Милана Ломиаԥҳаи
"Ҳара иаҳҭахуп аиашара аԥыжәара аиурц, Сариа Лакоба лбаҟа ргылахарц, лгәалашәара мыӡырц", - лҳәеит алитература-документалтә хәылԥазы ашьҭахь Нестор Лакоба ихьӡ зху Аҭоурых-мемориалтә музеи адиректор Лиудмила Малиаԥҳа.

Аҭоурыхҭҵааҩ, Аԥсны ауаажәларратәи аполитикатәи усзуҩ Станислав Лакоба игәаанаграла, хымԥада Сариа лбаҟа аргылара ахәҭоуп. Ари атәы изныкым иалацәажәоижьҭеи. Раԥхьаӡа акәны абри атәы иҳәеит СССР апрокурор хада, Ниурнбергтәи апроцесс алахәыла, Роман Руденко. Уи ашьҭахь – Фазиль Искандер.

© Sputnik / Томас ТхайцукАхәылԥаз аҟны еиҿкаан афотосахьақәеи адокументқәеи рцәыргақәҵа
Аҭоурых ахамшҭразы: Сариа Лакоба лгәалашәара иазкыз ахәылԥаз мҩаԥган РУСДРАМ аҿы - Sputnik Аҧсны
Ахәылԥаз аҟны еиҿкаан афотосахьақәеи адокументқәеи рцәыргақәҵа
Ҳақы Заде иҭаацәа - Sputnik Аҧсны
Диана Задеԥҳа: сандуи сабдуи Сариа Лакоба лзы ашәы ршәуп ҳәа, Аԥсны иахцан

"Еиҵагылеит Сариа лҭоурых ззымдыруа абиԥарақәа", - ҳәа азгәеиҭоит Лакоба.

РУСДРАМ аҿы имҩаԥысуаз ахәылԥаз аҿы Лакоба имемориалтә музеи адиректор Сариа лбаҟа аргылараз аԥареизгара рылалҳәеит.

РУСДРАМ адиректор хада Иракли Хынҭәба иазгәеиҭеит Сариа лгәалашәара шырӡтәым, раԥхьа иргыланы усҟантәи агхақәа уаҵәы иҟаҳамҵарц азы.

"Ҳара гәык-ԥсык ала иазгәаҳҭеит Аԥснеиԥш, адунеи зегь аҿы зыӡбахә рдыруа аԥҳәыс ссир илызкыз ахәылԥаз. Сынтәа иҵит 80 шықәса Сариа дҭадырхеижьҭеи. Нестор Лакоба имемориалтә музеи аԥшьгаразы иҭабуп ҳәа раҳҳәоит", - иҳәоит Хынҭәба.

© Sputnik / Томас ТхайцукАхәылԥаз ҵакы хадас иаман ҳазнысыз аҭоурых амырӡра, абиԥарақәа рымадара
Аҭоурых ахамшҭразы: Сариа Лакоба лгәалашәара иазкыз ахәылԥаз мҩаԥган РУСДРАМ аҿы - Sputnik Аҧсны
Ахәылԥаз ҵакы хадас иаман ҳазнысыз аҭоурых амырӡра, абиԥарақәа рымадара

Сариа Лакоба лгәалашәара ахәылԥаз мҩаԥган РУСДРАМ аҿы, афотоцәыргақәҵа ацҵаны. Ацәыргақәҵаҿы афотосахьақәа рыдагьы, иӡырган лыԥсҭазаара аазырԥшуаз архивтә документқәа.

Ахәылԥаз ахыркәшамҭазы иаркыз ацәашьқәа ажәҩан иалаҵан.

Иара убас шәаԥхьар ҟалоит:

Ажәабжьқәа зегьы
0
Раԥхьа аҿыцқәаРаԥхьа ажәытәқәа
loader
АЕФИР АҾЫ
Заголовок открываемого материала
Жәларбжьаратәи
InternationalEnglishАнглыз бызшәаMundoEspañolАиспан бызшәа
Европа
DeutschlandDeutschАнемец бызшәаFranceFrançaisАфранцыз бызшәаΕλλάδαΕλληνικάАбырзен бызшәаItaliaItalianoАиталиа бызшәаČeská republikaČeštinaАчех бызшәаPolskaPolskiАполиак бызшәаСрбиjаСрпскиАсерб бызшәаLatvijaLatviešuАлатыш бызшәаLietuvaLietuviųАлитва бызшәаMoldovaMoldoveneascăАмолдав бызшәаБеларусьБеларускiАбелорус бызшәа
Алада Кавказ
ԱրմենիաՀայերենАерман бызшәаАҧсныАҧсышәалаАԥсуа бызшәаХуссар ИрыстонИронауАуаԥс бызшәаAzərbaycanАzərbaycancaАзербаиџьан бызшәа
Ааигәа Мрагылара
Sputnik عربيArabicАраб бызшәаTürkiyeTürkçeАҭырқә бызшәаSputnik ایرانPersianФарсиSputnik افغانستانDariДари
Агәҭантәи Азиа
ҚазақстанҚазақ тіліАҟазах бызшәаКыргызстанКыргызчаАҟырӷыз бызшәаOʻzbekistonЎзбекчаАузбек бызшәаТоҷикистонТоҷикӣАҭаџьықь бызшәа
Мрагыларатәии Алада-Мрагыларатәи Азиа
Việt NamTiếng ViệtАвиетнам бызшәа日本日本語Аиапон бызшәа中国中文Акитаи бызшәа
Алада Америка
BrasilPortuguêsАпортугал бызшәа