Атәылауаҩи аиҳабыреи: Габуниа агәаҭара-кассатә аппаратқәа ирызкны
"Агәаҭара-кассатә аппаратқәа анаплакҩы ахәаахәҭра данаҿу илиҩаауа ачек иаразнак ала Ашәахтәқәеи аизгақәеи рминистрра асервер аҟны онлаин режимла иубарҭахоит. Иахьа имаҷуп аинтернет ахьыҟам аҭыԥқәа, убри аҟнытә ари уадаҩра цәырнагап ҳәа ҳаҟам, афымцалашара акәзар, сааҭқәак лашарада уи аус ауртә еиԥш азхара афымцатә еиҵаҵа амоуп. Агәаҭара-кассатә аппаратқәа рықәыргылара, иара иааизакны асистема зегьы аусура, иаҳнаҭоит алшара ҳтәылаҿы еикәшо аԥара ацәыргара, уи ашәҟәы аҭагалара. Усҟан аҳәынҭқарра иалагалахо ашәахтәқәагьы иаҳа ирацәахап ҳәа агәаанагара ҳамоуп, ус еиԥш агәыӷрақәагьы адаҳҳәалоит", - ҳәа азгәеиҭеит Габуниа.
Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.
