"Аԥсны мацара акәым, Аԥсны анҭыҵгьы амш зеиԥшрахо, иҟало атәы аҳәара уадаҩуп, избанзар адунеи зегьы ахьынӡанаӡааӡо аҳауаԥсахрақәа акырӡа анырра арҭоит. Уи зыхҟьогьы ауаҩытәыҩса инапы злаку еиуеиԥшым ааглыхратә обиектқәеи авулканқәа рцәырҵреи ауп. Иахьа акырӡа иуадаҩуп аҳауа зеиԥшрахо атәы аҳәара хымш инареиҳаны. Ациклқәа рыла ауп ишаҳҳәо акәымзар, уаҵәы амш зеиԥрахо атәы ада, иаҳа инаскьаганы азгәаҭарақәа рыҟаҵара уадаҩуп. Аԥсабара убраанӡа иҿыхан иҟоуп, адунеи зегьы аҿы амш зеиԥшрахо аилкааразы агхақәа анрыхьуа ыҟоуп. Аинститут аусура уи уаҵәтәи амш зеиԥшрахо акәӡам, ҳара хықәкыла имҩаԥааго аԥсабара аҭҵаарақәа рыла, ациклқәа рарбагақәа рыла иаҳҳәар ҳалшоит ҳхатәы азԥхьагаҭарақәа", - ҳәа еиҭалҳәеит Ахсалԥҳа.
Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.
