Аҟәа аԥшаҳәаҿы ахысразы гәҩарас ирымоу иԥшаара рылаҳәоуп

© Sputnik / Томас ТхайцукАҟәа аԥшаҳәаҿы ахысразы гәҩарас ирымоу иԥшаара рылаҳәоуп
Аҟәа аԥшаҳәаҿы ахысразы гәҩарас ирымоу иԥшаара рылаҳәоуп - Sputnik Аҧсны
Анапаҵаҩра
НовостиTelegram
Аԥсны аҳҭнықалақь агәаны абҵара 22 рзы иҟалаз ахысра иалҵшәаны хҩык ауааԥсыра ҭахеит, ҩыџьа ахәрақәа роуит.

АҞӘА, ԥхынҷкәын 9 - Sputnik. Аҟәа ақалақь апрокуратура ақьафурҭа "Сан-Ремо" аҿаԥхьа абҵара 22 рзы иҟалаз ахысразы гәҩарас ирымоу ахаҿы иԥшааразы алаҳәара ҟанаҵеит, абри атәы аанацҳауеит Аԥсны Аҩнуҵҟатәи аусқәа рминистрра асаит.

"Аҟәатәи аҩнуҵҟатәи аусқәа русбарҭа Ашьаусԥшааратә ҟәша ахатәы еилазаара иаҿуп Ҷкадуа Ерик Иури-иԥа дахьыҟоу аҭыԥи уи иаанкылареи ирзырхоу аоператив-ԥшааратә усмҩаԥгатәқәа", - ҳәа аанацҳауеит адырраҭара.

© Сайт МВДАҟәа аԥшаҳәаҿы ахысразы гәҩарас ирымоу иԥшаара рылаҳәоуп
Аҟәа аԥшаҳәаҿы ахысразы гәҩарас ирымоу иԥшаара рылаҳәоуп - Sputnik Аҧсны
Аҟәа аԥшаҳәаҿы ахысразы гәҩарас ирымоу иԥшаара рылаҳәоуп

ААР аҟны ирҳәеит Ҷкадуа дшытҟәарчалтәиу.

"Зыӡбахә ҳамоу Асҭамыр Шамбеи, Алхас Аҩӡбеи, Доминика Ақырҭааԥҳаи рышьразы аус ауп", - ҳәа Sputnik Аԥсны иазеиҭарҳәеит Аҩнуҵҟатәи аусқәа рминистрра апресс-маҵзураҟны.

Ҷкадуа иԥшаара рыларҳәеит ахәҭаҷқәа "Ҩыџьа ма инареиҳаны рышьра", "Ашьразы аҽазышәара", "Абџьар, уи ахәҭа хадақәа, аџьаԥҳаны, иԥжәо амаҭәашьарқәа, иԥжәоу ахархәагақәа изакәанымкәа раахәареи, аӡәы иҭареи, рыҭиреи, рыҵәахреи, рыиагареи, рныҟәгареи" рыла ихацырку ашьаус ала гәҩарас ирымоу иаҳасабала.

Доминика Ақырҭааԥҳа  - Sputnik Аҧсны
Ахәра зауны ахәышәтәырҭа иҭаз Доминика Ақырҭааԥҳа лыԥсҭазаара далҵит

Амҳаџьыраа рыԥшаҳәаҿы абҵара 22 асааҭ 14:40 рзы аиҿахысра ҟалеит. Ақьафурҭа "Сан-Ремо" аҿаԥхьа аҭыԥ змаз аиҿахысраан иҭахеит ҩыџьа ауааԥсыра. Асҭамыр Шамба аҭыԥ аҟны иԥсҭазаара далҵит, Алхас Аҩӡба - ахәышәтәырҭаҟны даннаргаз. Даҽа ҩыџьа ахәрақәа роуит.

Ақьафурҭа "Сан-Ремо" ахәынаҳаҩ Доминика Ақырҭааԥҳа лхы ахәра ӷәӷәа аиуит, уи диаган Ареспубликатә хәышәтәырҭа хада анеирохирургиа аҟәшахьы, ԥхынҷкәын 3 рзы лара лыԥсҭазаара далҵит.

Иара убас шәаԥхьар ҟалоит:

Ажәабжьқәа зегьы
0