22:18 05 Ԥхынҷкәын 2019
Ишиашоу ицо аефир
  • USD63.81
  • EUR70.72

Аԥсны Ахада Аҩнуҵҟатәи аусқәа рминистрс Раули Смыр дҟаиҵеит

© Foto / Апсныпресс
Аԥсны
Икьаҿу ахьарԥш аиура
44 0 0

Уаанӡа, Аԥсны ахада иусԥҟала Аҩнуҵҟатәи аусқәа рминистр аамҭала инапынҵақәа наигӡон Леван Кәарцхьиа.

АҞӘА, ԥхынҷкәын 4 - Sputnik. Аԥсны ахада Рауль Ҳаџьымба аусԥҟа инапы аҵаиҩит Аҩнуҵҟатәи аусқәа рминистр иаҭаразы ҳәа аанацҳауеит ахада исаит.

"Раули Қьаазым-иԥа Смыр Аԥсны Аҳәынҭқарра Аҩнуҵҟатәи аусқәа рминистрс даҭазааит", - аҳәоит адырраҭараҿы.

Раули Қьаазым-иԥа Смыр диит Гәдоуҭа араион Ҟәланырхәа ақыҭан хәажәкыра 5, 1953 шықәсазы. Аԥсны жәлар Рџьынџьтәылатә еибашьра далахәын, ихҵоуп Аԥсны Афырхаҵа ҳәа ахьӡ ҳаракы. Амилициа даполковникуп, 20 шықәса инареиҳаны АА аҩнуҵҟатәи аусқәа русбарҭақәа рҟны аус иухьеит. 2018 шықәса хәажәкырамзазы "Аԥсны Аҳәынҭқарра аҩнуҵҟатәи аусқәа русбарҭақәа рҟны шықәсырацәалатәи аусуреи апрофессионализм ҳараки рзы" ианашьан "Ахьӡ-Аԥша" аорден III аҩаӡара. Аԥсны ахада уи министрс дҟаиҵаанӡа, Аҩнуҵҟатәи аусқәа рминистрра Ауаажәларратә шәарҭадара аусбарҭа аиҳабыс акыршықәса дыҟан.

Ԥхынҷкәын 2 рзы Ахақәиҭра ашҭаҿы еизеит 300-ҩык инарзынаԥшуа абҵара 22 рзы иршьыз Алхас Аҩӡбеи Асҭамур Шамбеи рыуацәеи рҭынхацәеи, атәыла ауааԥсыра. Еизаз Аҩнуҵҟатәи аусқәа рминистр иамхра дҵас иҟарҵеит. Абри ашьҭахь дара Апарламент ахыбрахь инеит.

Иҟаз аҭагылазаашьа инадҳәаланы Гарри Аршба имаҵура дамхын. Иара убас рмаҵурақәа ирымырхит Аҩнуҵҟатәи аусқәа рминистр актәи ихаҭыԥуаҩ Казбек Кишмахов, Апрокурор хада Зураб Ачба, уи ихаҭыԥуаҩ Ешсоу Какалиа.

Иара убас шәаԥхьар ҟалоит:

Ихадоу атемақәа