"Аԥсны Анцәа иҭыԥуп шаҳҳәогьы, иара Кавказ иналукаашагьы дгьыл ҭыԥуп. Ари еиԥш амилаҭқәа еидызкыло даҽа дгьылк ыҟам. Ҳмилаҭ ахьҿиаз, ҳҵас, ҳқьабз, ҳбызшәа уҳәа зегьы ахьҿиаз ҳашьха ҭыԥқәа рҿоуп. Ҳаԥхьаҟа ҳара ҳаԥсуара еиқәҳархар ҳҭахызар, иахьа ахәыҷқәа рааӡараҿы аума, аҿар рааӡараҿы аума, ашьхахь ихьарԥшны иҳазнагар, убасҟан иаҳа Аԥсуара аиқәырхара ҳзыманшәалахоит. Ҳара шаҟа ашьхақәа ҳрыцәхьаҵуа, амшын аҟәарахь ҳалбаауа аҟара, ҳаԥсуарагьы ыӡуашәа сгәы иабоит. Аибашьра аамҭазгьы изныкымкәа Аҟәа ҭаҳарцәуеит ҳәа ҳалагеит, аха иҳалымшеит. Шьхала ҳалбааны ҳандәықәла, ашьхақәа рылԥха ҳаҵанакноуп ҳаԥсадгьылгьы аиқәырхара зҳалшазгьы. Ҳаԥхьаҟагьы ҳҭоурых ҭаҳҵаар ҳҭахызаргьы, ҳашьхақәа ҳрызҿлымҳахароуп", - ҳәа азгәеиҭеит Барцыц.
Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.
