АҞӘА, ԥхынҷкәын 13 - Sputnik. Аԥсни Ҟрыми рнаплакқәа рыбжьара иахьатәи аамҭазы атауареикәыршара 400 000 доллар артәоит ҳәа аанацҳауеит Аԥсны аиҳабыра рсаит, Ҟрым ахада Сергеи Аксионов иажәақәа ҵаҵӷәыс иҟаҵаны.
Аксионов иазгәеиҭеит Аԥсни Ҟрыми рыбжьара анапы шрыҵаҩу ахәаахәҭра-економикатәи, аҭҵаарадырра-техникатәи, агуманитартәи усхкқәа рганахьала аиқәшаҳаҭрақәа жәпакы. Абарҭ аиқәшаҳаҭрақәа рҳәаақәа ирҭагӡаны Аԥснынтәи Ҟрымҟа инаргахьеит 45 тонна аргыларатә материал – аԥслымӡи абӷанҷи.
"Аԥсни Ҟрыми рнаплакқәа рыбжьара иахьатәи аамҭазы атауареикәыршара мҩаԥысуеит. Иахьатәи аамҭазы атауареикәыршара 400 000 доллар артәоит. Аҭагылазаашьа адинамикатә ҟазшьа амоуп", - ҳәа иҳәеит Ҟрым ахада.
Аиԥылара аҳәаақәа ирҭагӡаны иалацәажәан акультура аусхк аҟны аинырра азҵаара.
Иара убасгьы ажәалагала ҟаҵан антикатә ҭынха иаҵанакуа ақалақьқәа рассоциациа еиҿкаазарц.
Аиҳабырабжьаратә комиссиа аилатәарахь инеиз аԥснытәи аделегациа напхгара аиҭоит аԥыза-министр ихаҭыԥуаҩ Даур Аршба.
Аиҳабырабжьаратә комиссиа аилатәараҟны ахәаахәҭра-економикатәи, аҭҵаарадырра-техникатәи, агуманитартәи усеицуразы аиқәшаҳаҭрақәа рынагӡашьақәа ирылацәажәан. Иазыԥхьагәаҭан ахырхарҭа ҿыцқәа.
Иара убас шәаԥхьар ҟалоит:
-
Аԥсни Ҟрыми реиҳабырабжьаратә комиссиа аилацәажәара мҩаԥнагеит
