АҞӘА, ԥхынҷкәын 16 - Sputnik. Аԥсны иҟоу Урыстәыла аладатәи арратә округ аррамаҵзурауаа сынтәа ашықәс иаалагазар 40 000 рҟынӡа ҽазыҟаҵаратә хысра мҩаԥыргеит ҳәа аанацҳауеит аокруг апресс-маҵзура.
Аруаа ахысрақәа мҩаԥыргон 100 метрак инаркны 40 километра рҟынӡа ахьыбжьаз аҭыԥ-цәҟьарақәа рҿы. Ахысрақәа реиҳарак мҩаԥыргон уахынланы ҳәа азгәаҭоуп адырраҿы.
"Жәамз рыҩныҵҟа аррамаҵзурауаа иеиӷьыртәит рдыррақәа, рԥышәа. Ахысрақәа мҩаԥыргон еиуеиԥшым абџьар ахархәарала, атанкқәа Т-72Б3, акәылӡтәы транспартиорқәа БТР-82АМ, ареактивтә системақәа "Град", аминометқәеи артиллериатә гаубицақәеигьы абрахь иналаҵаны", - аҳәоит адырраҭараҿы.
Зынӡа ахархәара рыҭан 3 миллионк аџьаԥҳаны.
Иара убас шәаԥхьар ҟалоит:
- Аԥырҩы дызҭам аурыс аруаа рыԥрыгақәа Аԥсны ажәҩан аҿы рҽазыҟарҵеит
-
Урыстәыла Аладатәи арратә округ аруаа "атеррористцәа" ржәылара ааныркылеит
