АҞӘА, ԥхынҷкәын 17 - Sputnik. Урыстәыла арра-мшынтә флоти Шьамтәыла арра-мшынтә мчрақәеи Адгьылбжьаратә мшын аҟны аицҽазыҟаҵарақәа мҩаԥыргоит ҳәа аанацҳауеит РИА Новости.
Аҽазыҟаҵарақәа хықәкны ирымоуп Урыстәылеи Шьамтәылеи рырратә мчрақәа реинырра аизырҳара.
Урыстәыла арра-мшынтә флот аӷбақәа Шьамтәыла амшыԥшаҳәа ааигәара рыҟазаара жәларбжьаратәи атерроризм аҿагылараҿ алагала ду ҟанаҵоит.
Аҽазыҟаҵарақәа рнапхгаҩы аконтр-адмирал Александр Иулдашев аҳәамҭа ҟаиҵеит урыстәылатәии шьамтәылатәии аӷбақәа злахәу атактикатә гәыԥқәа артиллериатә хысрақәа еицымҩаԥыргоит ҳәа.
"Аҟәараҿы ахьчаратә ҟәшақәа аԥырҩы дызмам ахархәагақәа рызҵаара рыӡбоит, иара убасгьы ирыӡбоит абаӷәаза Тартус аобиктқәа рганахь ала абџьар ахархәара ҟалар, аԥырҟәәаашьа азҵаарақәа", - иҳәоит Иулдашев.
Шьамтәыла бџьаршьҭыхлатәи аимак ахы акит 2011 шықәса рзы. Урыстәылатәи аруаа Шьамтәыла иҟоуп ареспублика аиҳабыра иҟарҵаз ааԥхьарала 2015 шықәс араахыс.
Иара убас шәаԥхьар ҟалоит:
- Путин: Шьамтәыла аиҟәшара залшом
-
Америкатәи аҳаирплан-ԥшыхәыҩқәа Шьамтәыла амшынԥшаҳәа ҭарыԥшыхәуан
