"Ари акциа азкуп Аибашьра ду аан асоветтә ар иргаз аиааира 75 шықәса ахыҵра. Уи аҳәаақәа ирҭагӡаны Аԥсны ахыи аҵыхәеи иҟоу аибашьцәа рҳаҭгәынқәа рҟнытә дарбан милаҭзаалакгьы, анышәнап еизганы иҳашьҭырц ҳҭахуп Москваҟа, уа идыргыло агәалашәаратә уахәама азы. Анышәнап аизгара хацыркхоит иахьа, ԥхынҷкәын 20 рзы, ихыркәшахоит Идырым асолдаҭ ибаҟа аҿаԥхьа. Иаҳҭахуп ҳтәыла ауааԥсыра ари акциа рхы аладырхәырц. Ари аҵакы амоуп аҭоурых ахьчареи аҿар рааӡареи рҿы", - ҳәа азгәалҭеит Беиаԥҳа.
Аџьынџьтәылатәи еибашьра ду иалахәын 55 нызқьҩык Аԥсны аԥацәеи аԥҳацәеи. Урҭ рҟынтәи 17 нызқьҩык аиааира рхы ақәырҵеит. Ареспублика атәылауаа 22-ҩык Асовет Еидгыла Афырхаҵа ҳәа ахьӡ ду рыхҵан.
Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.
Иара убас шәаԥхьар ҟалоит:
- Аветеран Шьониа: Аԥсны жәлар рхы-рыԥсы иамеигӡакәа аџьабаа рбеит аибашьра Ду аҟны
-
Нанба: иахьа уажәраанӡа Аибашьра Ду иалаӡыз аԥсуаа рыԥшаара ҳаҿуп
