Аԥсны атәылауаҩ аҳәаахысраан изакәанымкәа аҭаҭынаалыҵ лыдбалан

© Foto / пресс-служба Сочинской таможни Аԥсны атәылауаҩ аҳәаахысраан изакәанымкәа аҭаҭынаалыҵ лыдбалан
Аԥсны атәылауаҩ аҳәаахысраан изакәанымкәа аҭаҭынаалыҵ лыдбалан - Sputnik Аҧсны
Анапаҵаҩра
НовостиTelegram
Ахылаԥшра-аушьҭырҭатә ҭыԥ "Адлер" аҟны иааныркылаз изакәаным аҭаҭынаалыҵ жәа-ҭоԥк ыҟан (100 пачкак, 2000 цыра).

АҞӘА, ԥхынҷкәын 20 - Sputnik. Ахылаԥшра-аушьҭырҭатә ҭыԥ "Адлер" аусзуҩцәа аҳәаа иахысуаз аԥҳәыс хыхьтәи лцәамаҭәа аҵаҟа зыӡбахә џьаргьы иарбамыз аҭаҭынаалыҵ шиалгоз дааныркылеит. Абри атәы аанацҳауеит Шәачатәи аҳазалхратә усбарҭа апресс-маҵзура.

Ахаша, ԥхынҷкәын 18 рзы ахылаԥшра-аушьҭырҭатә ҭыԥ "Адлер" аҟны ашьаҟамҩатә хысырҭаҿ агәаҭаратә уснагӡатәқәа раан азхьаԥшра лырҭеит Аԥснынтәи Урыстәылаҟа аҳәаа иахысуаз аԥҳәыс.

"Акинологиатә ҟәша амаҵзуратә ла ахымҩаԥгашьала еилкаахеит изакәаным атауар ахыгара лыҽшазылшәоз. Арентгентә сканер ахархәарала уи ус шакәыз шьақәырӷәӷәан", - рҳәеит апресс-маҵзураҟны.

Аԥҳәыс хыхьтәи лкьаҿ аҵаҟа жәа-ҭоԥк асигарет "Apsny" аҳәаа ахыгара лҽазылшәон, џьаргьы ашәҟәы иҭамгалаӡакәа.

© Foto / пресс-служба Сочинской таможни Аԥсны атәылауаҩ аҳәаахысраан изакәанымкәа аҭаҭынаалыҵ лыдбалан
Аԥсны атәылауаҩ аҳәаахысраан изакәанымкәа аҭаҭынаалыҵ лыдбалан - Sputnik Аҧсны
Аԥсны атәылауаҩ аҳәаахысраан изакәанымкәа аҭаҭынаалыҵ лыдбалан

Иаанкылоу аԥҳәыс илҳәеит аҳәаа асигареҭқәа рахыгара аԥкрақәа шамаз, убри азы ишылҵәахуаз. Лара аҭаҭын аалыҵ Шәача аҭира лыгәҭакын.

Атауар ырбаандаҩуп, аалыҵ аекспертизахь инашьҭуп. Аусҭҵаара хацыркуп.

Иара убас шәаԥхьар ҟалоит:

Ажәабжьқәа зегьы
0