Сариа Кәарцхьиаԥҳа, Sputnik
Аԥсаӡ аныҳәа афҩы ахуп ҳәа иршьоит. Аха аԥшӡара икны иаго аԥсаӡ амшқәа акыр икьаҿуп, агәырбыӷьқәа акаԥсара иалагоит.
Усеиԥш ҟамларц азы иҟоуп маӡақәак.
Аԥсаӡ анааухәо иара аҭагылазаашьа ҷыдала иеилукаароуп:
- агәыцә агәырбыӷқәа амазароуп;
- амахәқәа еизааигәазароуп;
- амахәқәа кат-като иҟамзароуп;
- амахәқәа аӡазароуп, иԥымҵәозароуп.
Аԥсаӡ аргылара аламҭалаз ашьаҭаҿ 8-10 сантиметр рҟынӡа ацәа ахыхтәуп, аведра аӡы ҭаҭәаны, аспирин, аџьыкхыш, ашьақар ӡааԥсаланы иҟаҵатәуп. Аспирин абактериақәа рызҳар ауам, аџьыкахыши ашьақари агәыцә афатә азнаргоит.
Абри аҩыза аӡы аԥслымӡ аҭаны аԥсаӡ агәыцә 15-20 сантиметр рҟынӡа иларшьшьны иҵаргылатәуп.
Иҟоуп иара убасгьы егьырҭ абжьгарақәагьы:
- Аӡы алимонӡы аҭаны, амел алаԥсаны аԥсаӡ ҭаургылар ҟалоит. Иҟалоит агәыцә аԥҟарсҭа аш-бааӡа акәыршаны иургылар, аамҭа-аамҭала иурцәааклар.
- Аԥсаӡ аԥхарраҿ аргылара ҟалом.
- Иара убасгьы амра ашәахәақәа ақәыԥхозар иаԥырхагахоит, иарҩоит. Амахәқәеи агәырбыӷьқәеи аамҭа-аамҭала аӡы рықәҭәалазар бзиоуп.
Иара убас шәаԥхьар ҟалоит:
-
Ашықәс ҿыц хҟьа-ԥҟьада: аныҳәатә чыс азы адиетолог лабжьгарақәа
-
Аныҳәа аламҭалазы: ԥхынҷкәын 23-29 рзтәи акультуратә уснагӡатәқәа
