"Кавказ атәылақәа иахьрыҵаркуа иҷыдоу аҟазшьа змоу аҭагылазаашьа аналаргалоз, исгәалашәоит Азеирбаџьан, Қырҭтәыла ианыҟазгьы даара ицәыршәагоу ахәымгарақәа алҵуан. Абри ҳхамшҭроуп. Аҭагылазаашьа аиҿагылара анамаз Бақәа аинститут сҭан, исгәалашәоит аилаҩынтра, аиҿагылара бџьаршьҭыхла аҟынӡа инеит, ари 1980-ти ашықәсқәа рынҵәамҭазы ауп. Иаҳдыруазароуп иҷыдоу аҟазшьа змоу аҭагылазаашьа даара ишҽеим. Аҭышәынтәалара аганахьала ари имариам усуп, азхәыцра аҭахуп. Иахьа аполитикатә кризис иӷәӷәаны аҽаанарԥшит, аха макьана арыцҳара ҟамлаӡацт. Ас еиԥш иҟоу аҭагылазаашьаҟны аполитикцәа адиалог ахь ииасуеит. Уи ада ԥсыхәа ыҟаӡам. Иахьа иҟоу аполитикатә гәыԥқәа рҟны иаҳгәамԥхо рацәаӡоуп. Шәҵаауазар, политикк шәнацәа наиқәкны далшәхыр, убри аҭәышәынтәаларахь инеигоит Аԥсны ҳәа аӡәгьы дсызҳәаӡом, аха ҳалҵроуп ари аҭагылазаашьа. Макьана аамҭа ыҟоуп аицәажәаразы. Аҷыда ҟазшьа ашьақәыргылара уи даараӡа иҽеим усуп, ԥсыхәа змам аҟынӡа амилаҭ аннеилак ауп ианыҟарҵо", - ҳәа азгәеиҭеит Ҳагба.
Иаҳа инеиҵыху анаҵамҭа шәаҳар шәылшоит арадио Sputnik Аԥсны аефир аҟны.
Иара убас шәаԥхьар ҟалоит:
- Ҳаџьымба: иаҭахханы иҟалозар атәылаҿ иҷыдоу аҭагылазаашьа алагалахоит
-
Апарламент адепутатцәеи Рауль Ҳаџьымбеи аицәажәара мҩаԥыргоит
