АҞӘА, ажьырныҳәа 21 - Sputnik. Аԥсны иҟоу урыстәылатәи Аладатәи округ аруаа алақәа рыцырхырааны аминақәеи афугасқәеи рыԥшаауан ҳәа аанацҳауеит Урыстәыла ААО апресс-маҵзура.
Иара убасгьы атактикатә ҽазыҟаҵарақәа раан ахархәара рыҭан аминаԥшаагақәа "Коршун".
"Аполигон Гәдоуҭа аҟны ауснагӡатәқәа рымҩаԥгараан амина-ԥшааратә лақәа амина зҵаз амҩақәеи аргыларақәеи рыԥшыхәуан, ирыԥшаауан инапылаҟаҵараз, иҵәахыз арԥжәагақәа", - аҳәоит апресс-маҵзура адырраҭараҿы.
Аҽазыҟаҵарақәа Урыстәыла анџьнырцәа Рымш ахьӡала имҩаԥган. Дара ирылахәын арратә база анџьныр- сапиортә ҟәшақәа. Иааидкылан аҽазыҟаҵарақәа ирылахәын шәҩык рҟынӡа аруааи амаҵзуратә лақәеи.
Иара убас шәаԥхьар ҟалоит:
- Аԥсны иҟоу Урыстәылатәи Аладатәи арратә округ авзводқәа ахысрақәа мҩаԥыргеит
-
Урыстәылатәи аруаа арадиоелектронтә ҿагыларазы рҽазыҟаҵарҵон 40 мши-ҵхи
