АҞӘА, ажьырныҳәа 30 - Sputnik. Китаи акоронавирус иахҟьаны рыԥсҭазаара иалҵхьеит 170-ҩык. Абир атәы аанацҳауеит РИА Новости. Уаанӡатәи адыррақәа рыла ачымазара рылаҽхьан 5,9 нызқьҩык, рыԥсҭазаара иалҵхьан 132-џьа.
Ажьырныҳәа 30 рзы Китаи иаанымхеит провинциак авирус ахы ахьцәырнамгаз. Урыстәыла аҵакырахь авирус аамышьҭразы аҳәаа-аушьҭырҭатә ҭыԥқәа анаркит. Абри атәы лҳәоит аԥыза-министр ихаҭыԥуаҩ Татиана Голикова.
Авирус цәырҵит апровинциа Хубеи ақалақь Ухань аҟны ԥхынҷкәын анҵәамҭазы. Иара зырҿио акоронавирус хкҿыц - 2019-nCoV ауп. Китаи анҭыҵ авирус азгәаҭоуп: Гонконг, Макао, Таивань, Таиланд, Иапониа, Аладатәи Кореиа, ЕАА, Канада, Вьетнам, Сингапур, Непал, Франциа, Австралиа, Малаизиа, Германиа, Финлиандиа.
Иара убас шәаԥхьар ҟалоит:
-
Урыстәыла атәылауаа апровинциа Хубеи ралгаразы аиҿцәажәарақәа цоит
-
Адәныҟатәи аусқәа рминистрра Аԥсны атәылауаа Китаиҟа имцарц рабжьыргоит
