АҞӘА, жәабран 3 – Sputnik. Жәҩык аспортсменцәа злахәу Аԥсны еизго акоманда жәабран 3 рзы москваҟа амҩа иқәлоит таитәи абокс азы Афедералтә округ хада атурнир иалахәхаразы. Абри атәы Sputnik иазеиҭеиҳәеит таитәи абокс азы Аԥсны Афедерациа аиҳабы Ҭеимураз Гьергьедаа.
Таитәи абокс азы Афедералтә округ хада атурнир мҩаԥысуеит Москва, жәабран 6 - 10 рзы.
"Ачемпионат Шәача, Олимпиатә парк аҿы имҩаԥгахоит. Ачемпионат ахь иахьазы иалкаау Леон Амҷба иоуп. Иара аԥснытәи акоманда акапитан иоуп", - иҳәоит Гьергьедаа.
2020 шықәса хәажәкыра 25 инаркны мшаԥы 1 аҟынӡа имҩаԥыслоит Урыстәыла ачемпионат. Аихшьаалақәа рыла ишьақәыргылахит лаҵарамзазы Арабтәи Аемиратқәа рҟны имҩаԥысуа адунеи ачемпионат иалахәхо.
Ҭеимураз Гьергьедаа дақәгәыӷуеит ҳаспортсменцәа ибзианы рхы аадырԥшып ҳәа иагьазгәеиҭоит аҳәынҭқарра адгыларада таитәи абокс аҿиара шамоуа.
Иара убас шәаԥхьар ҟалоит:
- Ҳазлацәажәаша ҳамоуп: Асҭамыр Лакашьиа таитәи абокс иазкны
