Иҳаҩсыз аминистрацәа реилазаара аилатәараҿы акамшьиа акразы ззин иҟоу апроект еиҭахәаԥшын. Уи ианақәыршәаны сынтәазы иазгәаҭазгьы 35 тонн аҟнытә 76 тонн рҟынӡа акамшьиа акра ҟалоит ҳәа азгәарҭеит.
"Амшын аҿы аԥсыӡ зны Ҭырқәтәыла иҟоуп, анаҩс Қырҭтәыла, нас ауп ҳара ҳахь ианаауа. 150 нызықь тонн инарзынаԥшуа аԥсыӡ ҳара ҳахь иҭалоит есышықәса, убригьы иахьынӡахәҭоу ԥырхага ҟамҵаӡакәа, аекологиа аԥҟарақәа ҳрықәныҟәаны, аҳаҭыр баны иклатәуп. Сара хаҭала ҳзауад аусуразы исҳәоит, агәаҭарақәа игәцаракны иҳамоуп, аԥсыӡ зҭоу аӷба азауад ахь ианнеиуа аамҭазы аҳәынҭқарратә аекологиатә маҵзура аинспектор дадгылоуп. Иара ишибо аԥсыӡ азауад ахь ииаргоит, иаҳкыз ахыԥхьаӡарагьы ашәҟәыҿы иадырбоит. Ҳәарада, агәаҭарақәа мҩаԥгалатәуп, ахылаԥшрагьы ыҟазароуп, мап анакәха, уаҵәы иаҳкуагьы ҟалаӡом. Азауадқәа зегьы иаҳтаху, иара ҳусураҿгьы ианыԥшуеит азакәан аҟамзаара. Аԥсыӡ зкуа изы, азауадқәа рзгьы иманшәалахоит, доусы иара иҟаиҵаран иҟоу атәы идыруеит, иҟаимҵашагьы идыруазаауеит. Ауаҩы дзықәныҟәаша аԥҟарақәа аныибалак, зегьы рзы иманшәалахоит. Аквота акәзар, азауад азы быжь-нызықь тонна еиҵаны аквота аиура иаԥсаӡам, ахы ҭнагаӡом ҳәа иԥхьаӡоуп, аха есышықәса аҭагылазаашьа еиԥшым, шықәсык ибзиахар ҟалоит, шықәсык аԥсыӡ ҟамлар ауеит", - ҳәа иҳәеит Ашәба.
Инеиҵыху аиҿцәажәара шәазыӡырҩы арадио Sputnik Аԥсны аефир аҿы.
Иара убас шәаԥхьар ҟалоит:
- Какалиа еиҭеиҳәеит акамшьиа акразы аус шцо атәы
-
Шамба: Аԥсны аԥсыӡ зкуа аӷбақәа уи анҭыҵ иргаӡом
