Микрофон  - Sputnik Аҧсны
Арадио

Берзениаԥҳа лаҳәшьцәа ашәаҳәаҩцәа Москва рықәгыларазы: агәыхыҭхыҭра ацуп

© SputnikМзиа Берзениаԥҳа
Мзиа Берзениаԥҳа - Sputnik Аҧсны
Анапаҵаҩра
НовостиTelegram
Аиҳәшьцәа Берзениаԥҳацәа рдует апродиусер Мзиа Берзениаԥҳа арадио Sputnik Аԥсны аефир аҟны еиҭалҳәеит ашәаҳәаҩцәа Гәындеи Фридеи Москва имҩаԥысуа аконцерт рхы шаладырхәуа.

Жәабран 8 рзы аконцерттә зал "Бородино-Холл" асценаҟны имҩаԥысуеит апремиа "ALUSSO EVENT AWARDS" анашьара. Уи роуеит абизнес, арҿиара, агәыҳалалра, аԥшӡара аусхкқәа рҟны зҽалызкааз, зус иазҟазоу. Апремиа ранаршьоит агала-концерт анымҩаԥысуа. Ас еиԥш ауснагӡатә сынтәа хәынтәуп еиҿыркаауеижьҭеи.

Берзениаԥҳа лаҳәшьцәа ашәаҳәаҩцәа Москва рықәгыларазы: зегьы ҳгәы хыҭхыҭуеит

"Апремиа анашьараҟны аконцерт ҳалахәхара машәыршақә иҟамлеит, зны-зынла Урыстәылагьы аус ҳуеит. Апремиа апрезидент ҵыԥхгьы ааԥхьара ҳалҭахьан аконцерт ҳалахәхарц, аха усҟан иаҳзалымҵит. Сынтәа агала-концерт азы ҩ-номерк азыҟаҳҵоит, ашәак урысшәала, егьи аԥсышәала инаҳагӡоит, "Уааԥшы, аҩыза" ахьӡуп. Ашәақәа ҿыцуп, изаҳахьоу маҷуп, иаҳҳәар ҳалшоит Москва апрезентациа ҟаҳҵоит ҳәа, даара ҳгәы ҳыҭхыҭуеит", - лҳәеит Берзениаԥҳа.

Аиҳәшьцәа Берзениаԥҳацәа злахәхо аконцерт аҟны иқәгылоит еицырдыруа артистцәа: Жасмин, Авраам Руссо, Катиа Лель. Апремиа "ALUSSO EVENT AWARDS 2020" мҩаԥыргоит Анна Калашниковеи Леван Тодуеи.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Ажәабжьқәа зегьы
0