АҞӘА, жәабран 10 - Sputnik. Аҳәаахьчаҩцәа Урыстәыла атәылауаҩ автомашьынаҿы иҵәахны закәаншьаҭада аҳәаа иахигоз атапанча, "МР - 79 - 9ТМ" амарка иатәу ааныркылеит аушьҭырҭатә ҭыԥ "Адлер" аҿы. Абри атәы аанацҳауеит Краснодартәи атәылаҿацә аҿы иҟоу Урыстәыла АШәМ аҳәаахьчаратә усбарҭа апресс-маҵзура.
Пистолет
© Foto / Пресс-служба ПУ ФСБ России по Краснодарскому краю
Автомашьына Урыстәылантәи Аԥсныҟа ахы хан. Абџьар рыԥшааит амашьына атәарҭа аҵаҟаҿы. Иара убасгьы иԥшаан 9 миллиметрак иҟоу апатронақәа быжьба.
Урыстәыла Афедералтә закәан "Абџьар азы" ахәҭаҷ 17 инақәыршәаны Урыстәылатәи Афедерациахь абџьар алагалареи Урыстәылатәи Афедерациахь абџьар алгареи мҩаԥгахар ҟалоит афедералтә усбарҭа ҷыда азин аҟаҵарала.
