АҞӘА, жәабран 27 – Sputnik. Шәача ааигәара аӡы иагаз ашколхәыҷқәа рыԥшаара мҩаԥысуеит иааиԥмырҟьаӡакәа уахи-ҽни, аха макьана илҵшәадоуп. Уажәтәи аамҭазы 260-ҩык аԥшааҩцәеи аволантиорцәеи аӡы иагаз ашколхәыҷқәа рыԥшаара иаҿуп ҳәа аанацҳауеит РИА Новости.
Урыстәыла АҶА адыррақәа рыла шьыжьнаҵы авиациа ахархәара еиҭахацыркуп.
Жәабран 25 рзы Шәача ақалақь Лазаревское араион аҿтәи аӡиас Ԥсезуаԥсе ирсуаз 13-15 шықәса зхыҵуаз ҩыџьа ашколхәыҷқәа аӡы иагеит. Урыстәыла АҶА авертолиот Ка-32 аӡы иагаз ашколхәыҷқәа рыԥшаара иадрыԥхьалеит. Амшын акваториа амониторинг азун аҳауаҟынтә. Аԥшаарақәа ахьымҩаԥысуа аҭыԥ аҿы агәыԥқәа рҽеидкыланы аус руеит.
Аиқәырхаҩцәа ринформациала амшын ихылеит аԥшааратә катергьы. Уаанӡа, 4-5 балл иҟоу амшынцәқәырԥараан амшын агәаҿы аԥшаарақәа рымҩаԥгара алшомызт.
Апрокуратуреи аусҭҵааратә еилаки ахәыҷқәа рыӡра афакт аганахьала заанаҵтәи аусҭҵаара мҩаԥнагоит.
Иара убас шәаԥхьар ҟалоит:
-
Урыстәыла АҶА авертолиот аӡы иагаз ашколхәыҷқәа рыԥшаара иадԥхьалоуп
