260-ҩык аԥшааҩцәеи аволонтиорцәеи Шәача аӡы иагаз ашколхәыҷқәа рыԥшаара иаҿуп

© Sputnik / Михаил Мордасов / Амедиаҵәахырҭахь аиасра260-ҩык аԥшааҩцәеи аволонтиорцәеи Шәача аӡы иагаз ашколхәыҷқәа рыԥшаара иаҿуп
260-ҩык аԥшааҩцәеи аволонтиорцәеи Шәача аӡы иагаз ашколхәыҷқәа рыԥшаара иаҿуп - Sputnik Аҧсны
Анапаҵаҩра
НовостиTelegram
Жәабран 25 рзы Шәача ақалақь Лазаревское араион аҿтәи аӡиас Ԥсезуаԥсе ирсуаз 13-15 шықәса зхыҵуаз ҩыџьа ашколхәыҷқәа аӡы иагеит.

АҞӘА, жәабран 27 – Sputnik. Шәача ааигәара аӡы иагаз ашколхәыҷқәа рыԥшаара мҩаԥысуеит иааиԥмырҟьаӡакәа уахи-ҽни, аха макьана илҵшәадоуп. Уажәтәи аамҭазы 260-ҩык аԥшааҩцәеи аволантиорцәеи аӡы иагаз ашколхәыҷқәа рыԥшаара иаҿуп ҳәа аанацҳауеит РИА Новости.

Урыстәыла АҶА адыррақәа рыла шьыжьнаҵы авиациа ахархәара еиҭахацыркуп.

Жәабран 25 рзы Шәача ақалақь Лазаревское араион аҿтәи аӡиас Ԥсезуаԥсе ирсуаз 13-15 шықәса зхыҵуаз ҩыџьа ашколхәыҷқәа аӡы иагеит. Урыстәыла АҶА авертолиот Ка-32 аӡы иагаз ашколхәыҷқәа рыԥшаара иадрыԥхьалеит. Амшын акваториа амониторинг азун аҳауаҟынтә. Аԥшаарақәа ахьымҩаԥысуа аҭыԥ аҿы агәыԥқәа рҽеидкыланы аус руеит.

Аиқәырхаҩцәа ринформациала амшын ихылеит аԥшааратә катергьы. Уаанӡа, 4-5 балл иҟоу амшынцәқәырԥараан амшын агәаҿы аԥшаарақәа рымҩаԥгара алшомызт.

Апрокуратуреи аусҭҵааратә еилаки ахәыҷқәа рыӡра афакт аганахьала заанаҵтәи аусҭҵаара мҩаԥнагоит.

Иара убас шәаԥхьар ҟалоит:

Ажәабжьқәа зегьы
0