АҞӘА, жәабран 28– Sputnik. Асиноптикцәа агәҽанҵара ҟарҵоит Шәача иахьаҵанакуа амшцәгьа ҟалоит ҳәа. Иазыԥшуп ақәаршҩы алеира, адыд-мацәыс аҟалара. Аӡиасқәа рҿы аӡқәа шьҭыҵыр ҟалоит ҳәа аанацҳауеит Краснодартәи атәылаҿацә аҿы Урыстәыла АҶА аусбарҭа.
"Жәабран 28 рзы шьыжьы инаркны хәлаанӡа иазыԥшуп ақәаршҩы алеира, адыд-мацәыс аҟалара. Аӡиасқәа рҿы аӡқәа шьҭыҵыр ҟалоит", - аҳәоит адырраҭараҿы.
Аметеорологцәа иазыԥхьагәарҭоит аԥша аӷьыра секундк ала 14 метра анаӡара, амшын аисра - 4 баллк.
Ақалақь ауааԥсыреи асасцәеи рахь аҳәара ҟарҵоит ргәы рҽанызарц.
