АҞӘА, жәабран 28 - Sputnik. Белоруссиа даарԥшуп коронавирус змоу раԥхьатәи ауаҩы,иара Бақәантәи иааз Ирантәи студентуп ҳәа рҳәеит агәабзиарахьчара аминистрраҿы.
"Жәабран 27 рзы аепидемиологиеи амикробиологиеи рзы Ареспубликатә центр аҟны имҩаԥгаз анализқәа иаадырԥшит Ирантәи астудент акоронавирус COVID-19 шимаз", - аҳәоит аусбарҭа асаит аҿы.
Ачымазараҿк здырбалаз астудент Белоруссиаҟа дааит Бақәантәи жәабран 22 рзы.
Агрессиатә уснагӡатәқәа
Агәабзиарахьчаразы адунеизегьтәи аиҿкаара ахада Тедрос Гебреиесус коронавирус COVID-19 ачымазара шаацәырҵыз аҭак аҭалатәуп ҳәа азгәеиҭоит акоронавирус агрессиатә уснагӡатәқәа рыла иаҿагыло атәылақәа ииашан иҟарҵоит ҳәа иҳәоит. Абри атәы аанацҳауеит РИА Новости.
"Иҟоуп атәылақәа ҩымчыбжьа рыҩныҵҟа ачымазара ашьҭа ахьумбо: Бельгиа, Камбоджа, Индиа, Непал, Филиппины, Урыстәыла, Шри-Ланка, Вьетнам. Арҭ атәылақәа рҿы имҩаԥырго агрессиа уснагӡатәқәа алҵшәа рымоуп", - иҳәеит Гебреиесус.
Гебреиесус агәҽанызаара ҟаҵо иҳәеит авирус ахы ахьцәырнаго шузышьақәмыргыло.
Ус шакәугьы апандемиа аҭыԥ амоуп ҳәа узҳәом иҳәоит иара.
Акороновирус COVID-19 ахы акит Китаи, 2019 шықәса ԥхынҷкәынмзазы.
Иара убас шәаԥхьар ҟалоит:
- Аԥсны коронавирус ашьақәыргыларазы атест-системақәа аиуеит
-
Аҳәааҿы акарантин: Аԥсны алалара ззыԥкхо еилкаахеит
