Валери Бганбеи ахадарахьы акандидатцәеи реиԥылара иацҵахоит хәажәкыра 4 рзы

© Sputnik / Михаил Мокрушин / Амедиаҵәахырҭахь аиасраВалерий Бганба
Валерий Бганба - Sputnik Аҧсны
Анапаҵаҩра
Аҟәа ақалақь аҟны имҩаԥысуаз акциа ашьҭахь ахада инапынҵақәа назыгӡо Валери Бганбеи Адгәыр Арӡынбеи, Леонид Ӡаԥшьбеи, Бадра Гәынбеи аилацәажәара рыман.

АҞӘА, хәажәкыра 3 – Sputnik. Валери Бганбеи ахадарахьы акандидатцәеи реиԥылара иацҵахоит хәажәкыра 4 рзы, абри атәы рҳәеит реиҿцәажәарақәа ашьҭахь.

"Акандидатцәа зегьы ақәшаҳаҭуп аус азакәаншьаҭа аманы иҟазар шакәу. Ҳара ԥхьаҟагьы акандидатцәеи урҭ рыштабқәеи ҳрыҿцәажәалоит. Уаҵәы аштабқәа рхадацәа сырԥылараны сыҟоуп", - иҳәеит Бганба.

Парламент Республики Абхазия - Sputnik Аҧсны
Апарламент изаамҭанытәим аилатәара мҩаԥысит Бжьаниа игәамбзиара инамаданы

Бганба иазгәеиҭеит, Аслан Бжьаниа иҭагылазаашьа акыр ишеиӷьу, агәыӷрагьы ааирԥшит алхрақәа дрылахәхап ҳәа.

"Ҳара иалшо зегь ҟаҳҵоит иахьа иҟалаз аҩыза ҟамларцаз. Зегь еилыскаауеит, аха шәцәаныррақәа хылаԥшра рыҭалатәуп", - иҳәеит иара.

Аԥсны ахадарахьы акандидат Аслан Бжьаниа Шәачантәи Аԥсныҟа амҩа дшықәыз игәы бааԥсхан, Шәачатәи ахәышәтәырҭа дҭашәеит. Аамҭақәак рышьҭахь асанитартә авиациа авертолиот ала Бжьаниа Краснодартәи ахәышәтәырҭақәа руак ахь диагахеит.

Ахадарахьы акандидатцәа рыштабқәа рыхԥагьы аҳәамҭа ҟарҵеит алхраԥхьатә агитациа шааныркыло азы.

Иара убас шәаԥхьар ҟалоит:

Ажәабжьқәа зегьы
0