АҞӘА, хәажәкыра 23 – Sputnik. Аҵыхәтәантәи уахыки-ҽнаки рыла Урыстәыла даҽа 71-ҩык ачымазцәа акоронавирус рыдбалоуп. Абри атәы аанацҳауеит РИА Новости, аԥыза-министр Михаил Мишустин иажәақәа шьаҭас иҟаҵаны.
Абасала, иааидкыланы Урыстәыла акоронавирус зыхьыз рхыԥхьаӡара 438-ҩык ыҟоуп. Зегьы иреиҳаны аҿкы рылаҽит Москва ақалақьуаа.
Мишустин иажәақәа рыла, Урыстәыла аҭагылазаашьа егьырҭ атәылақәа рҟын еиԥш уацәшәаратәы иҿиом, еиҳаракгьы Европатәи атәылақәа ирҿурԥшуазар. Адунеи аҿы макьанагьы аҭагылазаашьа уадаҩуп. Хәажәкыра 22 рзы зынӡа ичымазаҩхаз рхыԥхьаӡара 376 нызқьҩык ыҟоуп.
Хәажәкыра 18 инаркны атәымтәылауаа Урыстәыла аҳәаақәа рахысра азин рымхуп, аурыс тәылауаҩра змам Аԥсны ауааԥсырагьы убрахь иналаҵаны. Хәажәкыра 23 инаркны егьырҭ атәылақәеи иареи рыбжьара аҳаиреимадара ԥнакуеит, Москвантәи егьырҭ аҳҭнықалақьқәеи ақалақь дуқәеи рахь ареисқәеи, аҳәаанырцә тәылақәа доусы ртәылауаа ралгара иазку ачартерқәеи рыда.
Иара убас шәаԥхьар ҟалоит:
- Аҵарауаа ишьақәдыргылеит акоронавирус аинкубациатә аамҭа
-
ВОЗ коронавирус иадҳәало аҭагылазаашьа пандемиоуп ҳәа ахырҳәааит
